G-NEWS (DILI) – Sexta-Feira (08122023) timoroan ida Carlota Maria da Costa, hakotu is iha Atambua hafoin han iha restaurante ida, antes desloka ba Kupaun-Indonézia.
Tuir kronolójia hosi matebian nia oan mane Vacu ba G-News liuhosi Sosiál mídia WhatsUpp segunda-feira ne’e informa, matebian mate seim sinál ruma antes atu hakotu is.
“Ami viajen hosi Dili ba Fronteira (perbatasan) Ha’u nia Mãe sente kontente. Ami to’o tiha fronteira (batas) Indonézia nian, Ami ba tia restaurante (kanting). Ha’u tur hemu, Ha’u nia Mãe buka haris fatin entaun Ha’u fó hatudu haris fatin e depois Ha’u nia Mãe Fila Mai fali”, matebian nia oan.
“Tur tiha, bolu Ha’u dehan Nia fuan moras, no haruka Ha’u ba hola tiha hahan mak ha’u ba pesan tiha hodi mai ha’u nia mãe han, maibé la han hotu, no Ha’u nia Mãe dehan ó la han ka, Ha’u dehan bosu Hela”, nia kontinua konta kronolójia ba G-News.
Nia afirma tán, antes matebian hakotu is, nia sei halo komunikasaun ho restaurante na’in hodi prepara hahan ba nia oan mane.
“Ne’e mak Ha’u nia mãe bolu fali restaurante (warung) na’in pesan tan ida fó Ha’u han tiha maibé Ha’u mós la han hotu, bosu ona”, Vacu inform aba G-News.
Depois han hotu, matebian ho nia oan mane tur liur restaurante nian, hodi hein transporte Travel atu ba Kupaun.
Kuandu tur iha liur, derepente matebian monu, no atu baku nia ulun ba eskada, mak nia oan mane kaer lalais, no husu apoiu lori ba ospitál hodi halo tratamentu, maibé iha dalan klaran, matebian hakotu is.
“Ami sai tiha ba tur tiha eskada restaurante (kanting) hein travel atu ba Kupaun-Indonézia, derepente ha’u nia Mãe monu atu fa’i nia ulun ba eskada mak Ha’u kaer lalais ne’e mak ami hodi ba tiha óspital ou klínika ki’ik–oan ida besik ne’ebá”, Matebian nia oan Vacu konta tuir.
“Ami hodi ba maibé hakotu is iha dalan mak ami to’o óspital ou klínika”.
Relasiona ho ne’e, G-News husu kona-ba parte família matebian kontaktu ho konsuladu Timor nian iha Atambua ka lae, matebian nia oan hatan katak “Sim kontaktu”.
Alende ne’e, família matebian mós informa tán katak, matebian transporta ona hosi Atambua mai Timor Leste, hodi kontinua lori to’o nia knua iha munisípiu Laútem.
“Perguntas G-News: Oinsa planu atu lori mai Timor? Resposta: Sim ATU lori ba Timor ba liu Lospalos”, matebian nia oan mane haktuir.
Entertantu, to’o oras ne’e, G-News tenta nafatin hodi halo komunikasaun ho parte família, maibé rede komunikasaun la posivel.
Matebian Carlota Maria da Costa, hosi munisípiu Laútem, ho tinan 68, sei transporta mai Timor Leste.
Jornalista : Ekipa G-News
Editór Testu : Amito Qonusere Araújo
loading="lazy" />