G-NEWS (DILI) – Parlamentu Nasional simu ona notifikasaun husi Tribunal Rekursu, iha loron 20 Fevereiru 2024, relasiona ho pedidu fiskalizasaun abstrata ba lei numeru 20/2023 loron 12 Novembru, ba Lei Indultu no Komutasaun Pena.
Tuir nota imprensa ne’ebé G-News asesu iha tersa-feira (20022024) ne’e katak, depois de ánaliza pedidu fiskalizasaun abstrata konstitusionalidade ne’ebe deputadu na’in 23 hosi bankada rua ne’ebé hatama iha fulan dezembru liu ba.
Tribunal Rekrusu deklara katak lei numeru 20/2023 loron 12 Novembru, iha artigu 6 no artigu 7 aliña 1, 4 no 5, ne’ebé koalia kona-ba inisiativa atu fó indultu bele mai hosi Prezidente Repúblika atu fó indultu ne’e, inkonstitusionál tanba viola artigu 69 no 85 al.1 i) Konstituisaun RDTL, tanba kontra prinsípiu separasaun poderes no laos Prezidente Repúblika nia kompentesia ne’ebé estipula iha artigu 85.
Iha nota imprensa ne’e mós sita katak, fiskalizasaun abstratu ne’e, deputadu Bankada FRETILIN no PLP hatama tanba inisiativa lei ne’ebé aprezenta hosi Bankada CNRT, no hetan apoiu hosi Bankada PD iha Parlamentu Nasional ne’e, viola konstituisaun tanba hasai tiha kritériu sira ne’ebé estabelese atu hetan indultu no ka komutasaun pena.
Liuhosi konferénsia Imprensa, tersa-feira (20022024), Xefe Bankada PLP MAria Ângelino Sarmento hateten, pedidu ne’ebé bankada rua (Fretilin no PLP) aprezenta ba Tribunal Rekursu tanba lei ne’e tama em-vigor, Xefe Estadu fo indultu kedan ba Eis Ministra Finansas Emilia Pires no Eis Ministra Saúde Madalena Hanjam.
antes ne’e, Parlamentu Nasional, liuhosi reuniaun plenária ekstraordináriu aprova projetu lei númeru 5/2016, 25 de Maio, kona-ba prosedimentu Konseisaun Indultu no Komutasaun Pena, iha finál global ho votu afavor 36 kontra 25, no na’in rua abstein.
Editór Testu : Amito Qonusere Araújo
loading="lazy" />