G-NEWS (DILI) – Udan boot ne’ebé akontese iha kapitál Dili, ne’ebé hamosu inundasaun iha fatin barak, rejulta uma komunidade no sasan sira hetan estragus, liu-liu iha Suku Caicoli.
Xefe Aldeia Foho rai boot Suku Caicoli Julio do Carmo, ba G-News esplika, ho udan boot ne’ebé akontese ne’e, afeta uma populasaun sira hetan estragus, liu-liu sasan uma laran.
“Vítima ne’e barak la halimar, agora ha’u atu lori dadus ba, no tékniku protesaun sívil sei mai haree uma sira ne’e lai. Sasan dapur at hotu, grave makaas”, esplika Xefe aldeia ba G-News.
Tékniku protesaun sivil sei halo identifikasaun ba família vítima sira ne’ebé tanba impaktu hosi inundasaun.
Totál populasaun sira iha aldeia Foho Rai Boot suku Caicoli hamutuk 361 abitante.
Entertantu, kuaze bairro sira iha kapitál Dili, afeta hotu ba inundasaun.
Jornalista : Ekipa G-News
Editór Testu : Amito Qonusere Araújo
loading="lazy" />