G-NEWS (BATUGADE) — Liuhosi Operasaun rutina relasiona ho sirkular alerta hosi Komandu Polísia Fronteira (UPF-PNTL) no empeñamentu Operasaun nian, kontinua kaptura sidadaun timoroan sira ne’ebé hakat liu liña fronteira entre Indonézia no Timor Leste, hautuk na’in-28.
Entre na’in-28 ne’e, UPF kaptura na’in-20 iha fronteira Maliana, no na’in-8 selu kaptura iha área fronteira Covalima, ho evidensia atributu Organizasaun Arte Marsiais Persaudaraan Setia Hati Terate (OAM-PSHT).
UPF Oecusse kaptura timoroan na’in-19 fila hosi Indonézia ho illegal
Tuir dadus ne’ebé G-NEWS asesu katak, kronolójia hosi kapturasaun ne’e tanba Sidadaun sira ne’e kontra ordenasaun teritórial no rezolusaun governu “Suspensaun Prátika Arte Marsiais no Arte Rituais”.
Atuasaun ne’ebé UPF-PNTL halo mak hanesan halo identifikasaun, halo termu entrega ba komandu Polísia munisípiu, no halo auto partisipasaun.
Informasaun ida-ne’e hatudu ba kontinuidade no dedikasaun Unidade Patrullamentu Fronteira (UPF-PNTL) ho seguru, no monitoriza fronteira Timor-Leste hodi asegura orden no rezolusaun sira ne’ebé estipula hosi governu.
Antes ne’e, Autoridade segruansa iha fronteira hala’o operasaun, konsege kaptura sidadaun na’in-44 ne’ebé kontra ordenamentu territórial, passa fronteira illegal, prátika arte marsiais ne’ebé kontra rezolusaun governu nian.
Entertantu, UPF hosi Kompañia Carly -UPF Oeneno-Bobometo-Oesilo Oecusse kaptura sidadaun timoroan na’in 19 kompostu mane na’in-18 no feto na’in-1, ne’ebé tenta atu hakat liu liña fronteira entre Indonézia ho Timor Leste, liuhosi ho illegal, hafoin fila hosi Kupaun, Indonézia.
Sidadaun na’in-28 ne’ebé kaptura hafoin fila iha serimónia graduasaun nu’udar membru ba Organizasaun arte marsiais PSHT iha Provinsia Timor Osidental, Indonézia.
Editór Testu : Amito Qonusere Araújo
loading="lazy" />