G-NEWS (LAÚTEM) – Iha Kinta-Feira lorokraik (27072023) maijumenus tuku hat ho balun, iha kazu taa malu ida ne’ebé akontese iha Aildeia Codo, Suku Maina-2 Postu Laútem Munisípiu Laútem, hodi rejulta avo mane ida, nu’udar membru Konsellu Suku Maina-2 Bendito Miranda mate iha fatin akontesimentu.
Tuir kronolójia ne’ebé G-News asesu Sexta-Feira dáder (28072023), Xefe Suku Main-2 Marcelo Duarte Cristovão esplika, kazu omisidiu ne’e akontese tanba hadau rai iha Aldeia Codo Suku Maina-2.
“Mumentu Ha’u mós la iha fatin akontesimentu, depois problema mosu tiha ma kami ba terrenu. Iha duni problema, hadau rai ki’ik-oan ida entre uma rua ne’e. Na’in rua ne’e laos ema seluk, sira família rasik de’it, ida bei-oan, ida avo. Ida bei-oan ne’e mak ta’a nia avo, to’o ikus rejulta nia avo lakon vida. Nia avo naran kompletu Bendito Miranda, hanesan membru Konsellu Suku (legadu Suku)”, haktuir Xefe Suku
Tuir Lideransa Komunitáriu ne’e katak, kazu taa malu ne’e akontese ho nia kauza problema ne’ebé ki’ik.
“Nia problema ne’e simples de’it, antes ne’e, inan-aman ho inan-aman haksesuk malu, to’o ikus nia bei-oan tama, hodi taa nia avo mak rejulta nia avo lakon vída”, Nia aumenta tán.
Hafoin akontesimentu, Polísia Eskuadra Laútem to’o kedan iha fatin akontesimentu, no suspeitu koopera ho autoridade seguransa, no asegura nia ba sela preventiva hodi prosesu tuir dalan legal.
Entertantu, parte família matebian la autoriza atu lori mate isin ba hala’o prosesa autopsia tanba Kultura la fo dalan.
“Mate isin, orseik, Ekipa Forensik no Task Force to’o iha fatin duni, maibé koopera ho família atu nune’e liu tan prosesu autopsia tanba ami nia kultura la fo dalan, ne’ebé sira kompromi malu, mate isin la konsege lori, no to’o oras ne’e mate isin iha fatin”, Xefe Suku Maina-2 esplika liután.
Maibé antes kazu taa malu ne’e akontese, vítima vítima buti suspeitu nia kakorok, ikus mai suspeitu halai ba uma hodi foti katana, no vítima hasoru mak suspeitu taa iha parte kakorok liman karuk, ikus mai vítima mate fatin.
Entertantu, kazu omisidiu ne’e akontese iha aldeia Codo Kraik, Suku Maina-2, Postu Laútem Munisípiu Laútem, Iha tuku 4 ho balun lokraik. Suspeitu ba kazu ne’e hamutuk na’in rua, no vítima mesak, maibé envolve iha asaun ne’e mak suspeitu na’in ida nu’udar bei-oan ba vítima Bendito Miranda, nu’udar membru Konsellu Suku nian.
Suspeitu ho inisial AN, maijumenus tinan rua nolu resin, nu’udar sidadaun bain-bain, no vítima ne’e Bendito Miranda maijumenus ho tinan lima nolu resin.
Jornalista : Ekipa G-News
Editór Testu : Amito Qonusere Araújo
loading="lazy" />