G-NEWS (DILI) – Ekipa delegasaun organizadora Vatikanu, hala’o ona inspesaun ba Sentru Konvensaun Dili (CCD) Dili, no misa fatin iha Tasitolu, relasiona ho vizita Santu Padre Francisco, iha loron 9 to’o 11 fulan-Setembru tinan 2024.
Ekipa delegasaun Organizadora Vatikanu hala’o inspesaun ba CCD tanba fatin ne’e, Santu Padre Francisco sei hasoru malu ho Joven sira.
Papa Francisco sei enkontru espesiál ho polítiku sira
Enkuantu Tasitolu, nu’udar fatin inspesaun ba ekipa Vatikanu nian, tanba Santu Padre Francisco sei selebra misa Eukaristia.
Ekipa delegasaun Organizadora Vaticana sei desloka hikas ba Vaticano iha iha loron 05 fulan-Juñu, hafoin hasoru malu ho Primeiru-Ministru Kay Rala Xanana Gusmão.
Lian sidadania kona-ba Santu Padre Francisco mai Timor Leste
Antes ne’e, ekipa delegasaun Vatikanu mós hala’o ona enkontru ho komisaun altu nível hosi Governu no Igreja Katólika Timor nian.
Enkontru ne’e hala’o iha loron 03 fulan Juñu iha Sekretariadu Nasional vizita Sua Santidade Papa Francisco, Farol Dili. Enkontru ne’e hanesan preparasaun atu simu Santu Padre Francisco mai Timor-Leste.
Vizita Papa Francisco: hamoos mataween, hakotu terus
Delegasaun ba Organizadora Vatikana, lidera hosi Reverendíssimu Monsenhor George Jacob.
Hafoin enkontru entre komisaun altu nível remata, ekipa rua ne’e hala’o kedan inspesaun ba Igreja Katedral Dili, Palácio Presidente, Ótel Timor, Ótel Hilton no Aeroportu Internasionál Nicolau Lobato Dili.
Editór Testu : Amito Qonusere Araújo
loading="lazy" />