Governu apoiu metrallador no bala-musan ba F-FDTL

banner 120x600
118 Views

G—NEWS (DILI) — Komandu FALINTIL-Timor-Leste Forsa Defeza (F-FDTL) liuhusi Xefe Estadu Maior F-FDTL, Tenente Jenerál Domingos Raúl “FALUR RATE LAEK”, hamutuk ho nia pesoál estruturál, ofisialmente simu asisténsia arma militár ne’ebé distribui diretamente husi Ministériu Defeza. Asisténsia ne’e atu fó apoiu ba nesesidade institusionál F-FDTL nian, atu nune’e bele hametin kapasidade no prontidaun tropas nian.

Iha biban ne’ebá, Tenente-Jenerál Domingos Raúl hato’o ninia agradesimentu kle’an ba governu ba esforsu sira ne’ebé la’o hela hodi mantein no hametin F-FDTL, ne’ebé oras ne’e kontinua dezenvolve ba forsa militár ida ne’ebé modernu no profisionál liu.

banner 325x300

Fornesimentu asisténsia armamentu ida-ne’e hanesan pasu importante ida hodi moderniza kapasidade militár Timor-Leste nian, haree ba kna’ar vital F-FDTL nian.

Ha’u agradese ba esforsu senor Ministru nian ne’ebé ho esforsu oi-oin atu apoia instituisaun F-FDTL, enternus rekursu umanu no material, ida ne’e duni mak itaboot nia palavra de onra” ne’ebé hahú tau matan ba F-FDTL”, tenik Tenente-Jenerál Falur Rate Laek.

Tenente-Jenerál Falur Rate Laek mós husu ba militár sira hotu atu hatudu komportamentu ne’ebé di’ak, tau iha prátika hodi kuidadu materiál ne’ebé Governu fó ba F-FDTL.

“Ba militár sira hotu atu hatudu hahalok di’ak, Disiplina tau iha prátika atividade loro-loron atu kuidadu materiál sira ne’e ho di’ak ho responsavél, nune’e povu tau konfiansa ba ita”. Tenente Jenerál Falur Rate Laek.

Iha parte seluk, Ministru Defeza Kontra Almirante Donaciano Costa Gomes “Pedro Klamar Fuik” hateten, material militár ne’ebé governu apoiu hanesan metralladora ho tipu rua, munisoens no seluk-tán.

“Ohin Ita boot sira asiste serimónia entrega armas ho tipu tolu hanesan Metralladora M249, Matralladora M60E6, no munisoens ho tipu Bala Real M4, Bala Real ho Pita, Bala Pistola Real Glock 45, Bala Pistola Real Glock 23”, Ministro Defeza Pedro Klamar Fuik, ko’alia hafoin entrega ekipamentu militár nian.

Governante ne’e mós husu ba militár sira atu kuidadu ekipamentu ne’ebé iha, nune’e governu kontinua tau prioridade ba servisu instituisaun F-FDTL hodi moderniza di’ak liu-tán ba professional ho konfiansa povu nian.

“Ha’u husu ba Komandu F-FDTL liu-liu militár sira, atu kuidadu sasan sira ne’ebé mak governu entrega ona hodi uza ba nesesidade Instituisaun ho responsablidade, Governu iha obrigasaun atu halo investimentu ba militár oinsá atu moderniza nune’e Instituisaun F-FDTL bele dezenvolve aan di’ak liu tán sai Instituisaun ne’ebé servi Estadu povu ho profisional”.

Armamentu militár ne’e Governu halo akizisaun uza orsamentu tinan 2023 ne’ebé preve ona iha lei programasaun militár.

Iha fatin hanesan halo mós Espozisaun ba instalasaun bairo militár ne’ebé maka sei halo konstrusaun iha futuru.

Fontes             : Média F-FDTL

Editor Testu  : Amito Qonusere Araújo

relavante