G-NEWS (MANUFAHI) – Eis koordenadór Klibur Estudante Fatuberliu (KEFA), Manuel da Costa Mesquita “Anecki” pronto kandidata án hodi kompete iha eleisaun Xefi Suku Fatukahi, iha postu administivu Fatuberliu Munisípiu Manufahi.
Anecki, moris iha Same, iha loron 07 fulan-Janeiru tinan 1993, no remata nia estudu D-2 Saúde Animal iha Universidade Nasionál Timor Lorosa’e (UNTL). Nia iha ona esperiénsia tanba sai hanesan Koordenadór Klibur Estudante Fatuberliu (KEFA), Asistente Advokásia iha organizasaun naun govermentais (ONG) CAUCUS no FORAM.
Manuel da Costa Mesquita Kandidata án ba Xefe suku Fatukahi ho vizaun atu dezenvolve suku Fatakahi no serví komunidade atu pro-ativu hodi sai na’in ba dezenvolvimentu sustentabilidade iha ho misaun sei promove asaun kolaborativu no transparensia, promove aprosimasaun dezenvolvimentu hosi kriak (Bottom up aprove), tratamentu justu, igual no inkluzaun.
Objetivu prinsipal ne’ebé motiva Manuel kandidata-án ba Xefi Suku Fatukahi, sai husar ba Postu Fatuberliu, ho ida ne’e presiza iha líder ida ne’ebé preparadu hodi lidera suku refere nune’e bele responde ba ezizénsia populasaun nian.
“Ho Progarama ne’ebé trasa ona sai ajenda prinspal maka, Preve ona ba programa urjente ba Fulan tolu ka semestral nian, ne’ebé hatur fali Sistema Boa Governasaun suku, programa semestral nian maka konstrui infra-estrutura bázika iha Semitériu hanesan dada liña Eletrisidade, bee-moos no Fatin Lixu no Saneamentu”, Manuel haktuir.
Programa permanente maka sei hamoris fila fali servisu hamutuk ( gotong royong) ba Limpeza jerál hodi nune’e bele garante nafatin suku saudável, Haforsa Ekonomia Baze Dezenvolvimentu agrikultura tanba suku Fatukahi Poténsia tebes ba Peskas, Dezenvolvimentu Setór Turizmu Fatukahi iha Lagoa Welenas, Wemanas, Patrimonio Kultural no Uma Antigu Portugéz ne’ebé lokaliza iha knua Antigu Aldeia Fatumutin.
Programa seluk ne’ebé sai priodade ba Manuel maka Haforsa Estrutura Suku, Hasa’e Autoridade nia koñesimentu liuhosi Formasaun, Haforsa komunidade, Sei servisu hamtuk ho ONG no Ajensia sira hodi fó formasaun hodi hasa’e sira nia koñesimentu no edukasaun sívika ba sidadaun sira, liuliu ba Jovem no labarik sira hodi haforte iha eduksaun Informal no Non-Formal.
“Atividade extra-kurikuler maka sei hamoris fila-fali desportu komunitáriu no dezenvolve arte no kultura iha nível suku, Sei hametin no haforte liu tan relasaun ho entidade hotu no hatu’ur fila-fali dialogu lali’an tolu hanesan: Estadu, Igreja no Kultura”.
Durante mandatu, Nia promete sei luta makaas mós ba sidadaun Fatukahi ne’ebé tranzmigrante iha Weleti hodi bele hetan sira nia identidade loloos, atu nune’e sira bele goza sira nia direitu hanesan sidadaun sira seluk.
“Ba povu ha’u pronto dedika an tomak hodi servi povu no sai tilun no lian ba povu, nune’e mós sei halo koopersaun di’ak ho Governu lokal no governu sentral hodi bele solusiona no kore povu husi ki’ak no mukit”, Kandidatu Xefe Suku ne’e hakotu.
Jornalista : Júlio Guterres Bosi-Cai “Júgu”
Editór Testu : Amito Qonusere Araújo
loading="lazy" />