G-NEWS (PORTUGAL) – Tuir informasaun ne’ebé fó sai iha mídia lokal JN iha Portugal, ne’ebé fó sai iha Domingo (02062024) haktuir katak, konfrontus ne’ebé akontese entre joven maijumenuts tinan 20 to’o 30 afeta na’in-1 lakon vída, na’in-3 kanek grave, no na’in-2 seluk kanek kaman, iha Domingu (02062024), iha dalan Dom José Alves Correia da Silva, fatin ida ne’ebé GNR no Departamentu Bombeiros Voluntáriu hela.
Asistente Komandante Bombeiros Voluntáriu Fátima, André Maurício hahate ba JN katak, maijumenus tuku 01.15, sira haree ho “konfuzaun”, no kuandu sira husik sira nia fatin hodi haree saida mak akontese, sira hetan “grupu balun” hetan kanek hosi konsekuênsia arma branka.
“Hosi konfrontus maijumenus metru 300, aumenta tán númeru vítima ne’ebé aontese, André Maurício, ko’alia, ne’ebé afeta na’in-1 mate, na’in-3 hetan kanek grave, no balun hetan kanek kaman, ne’ebé lakohi atu evakua ba Ospitál. Joven hirak ne’e mesak mane de’it, no ho tinan 20 to’o 30″.
East Timor university students write about peace and nature on Earth Day
“A VMER [Viatura Médica de Emergência e Reanimação] iha Leiria konfirma katak, na’in ida ne’ebé mate iha fatin akontesimentu, no nia haruka ona ba Institute of Legal Medicine di Tomar, no sira ne’ebé kanek evakua ona Ospitál iha Leiria, haktuir hosi asistente Komandante ne’e.
Maske nia la fó informasaun detallu, maibé André Maurício fiar katak, ema sira ne’ebé envolve iha konfrontus refere laos maihosi Fátima, no fó hanoin katak, derepente de’it, sira hotu hasees an hosi fatin akontesimentu, tanba hetan prezensa hosi VMER.
HWPL hosi Korea ofisialmente sei lansa Projetu Public Peace Art iha Dili
“Situasaun hanesan ne’e nunka atu akontese iha Fátima”, haktuir Asistente Komandante Departamentu Bombeiros Voluntáriu Fátima. “Ami enfrenta situasaun iha kalan Natal, maibé la sériu hanesan ne’e”, haktuir nia.
Autoridade Polísia Judisiaria Leiria hala’o hela investigasaun. Bainhira Mídia JN hala’o konfirmasaun, Diretór Avelino Lima, la fó informasaun kle’an, no ko’alia de’it katak, kazu ne’e iha “situasaun kompleksidade”.
Bainhira G-News konfirma ho Timoroan balun iha Portugal segunda-feira (03062024) konfirma katak, vítima no autór sir aba konfrontu ne’ebé akontese, envolve hosi timoroan iha Portugal.
“Ami seidauk hatene motivu hosi akontesimentu, no ami mós lee ona notísia hosi mídia Portugal nian katak, dehan na’in ida mak mate, no seluk kanek. Maibé ami seidauk hatene ema ida mate ne’e hosi munisípiu ne’ebé, maibé de faktu katak, akontesimentu iha Portugal ne’e hosi Timoroan sira, no víddeo mós vítal iha media sosial, sira hakilar malu ho lian Tetun”.
Fontes : JN
loading="lazy" />