G-NEWS (COVALIMA) –Eis seguransa na’in 8 hosi Timor Resource (TR) ba Perfurasaun Mina Rai Maran iha Munisípiu Covalima husu kompaña atu selu sira nia direitu, liu-liu osan alimentasaun nian durante fulan-8 molok molok hapara sira nia kontratu.
Eis Siguransa na’in-8 ne’e, Kompaña Timor Resources hahú hapara kontratu iha tinan 2022, maibé kompaña seidauk selu sira nia osan alimentasaun durante fulan 8 nian, iha ambitu Covid-19. Antes ne’e kompaña promete atu re-emborsa maibé to’o agora seidauk halo pagamentu, inklui subsidiu fim do ano nian.
Eis seguransa Rude de Sousa manisfesta nia razaun ba G-News sábadu (26082023) iha Covalima dehan, Kompaña Timor Resource hapara tanba iha loron 08 fulan Marsu 2022 lamenta ho tratamentu kompaña ba seguransa la dignu tanba tur no toba de’it iha tahu laran iha postu seguransa.
“Iha tempu ne’ebé ne’e, sira hapara ami ne’e tanba sira dehan ,ha’u lamenta ho sira nia atendementu ba ami, iha tempu udan ami tur de’it iha tahu laran, udan mai ne’e ami bokon hotu, agora ha’u ko’alia ida ne’e, sira dehan ami mak la di’ak fali, iha kotuk sira dehan halo atendimentu di’ak ba ami, maibe realidade ami jaga ne’e, kuandu udan ami tur deit iha tahu laran, ha’u iha evidénsia, kona–ba ami jaga iha postu seguransa iha tahu laran ne’e, ha’u iha vídeo, no mos goto”, Rude deklara.
Molok hapara sira nia kontratu iha periódu Covid-19, kompaña hapara hotu funsionariu sira, maibé seguransa sira mantein nafatin hala’o servisu, iha ne’ebé ne’ebé afeta kompaña fornesedor la fornese fornese hahan, nune’e seguransa sira mak gasta rasik osan kada loron $ 10.00 ba ema ida. Iha mumentu ne’ebá kompaña kompromete atu re-emborsa fali maibé seidauk realiza to’o agora.
“Iha tempu Covid-19 ne’e, ami Jaga, gasta rasik osan hodi sosa hahan, Timor Resource mak haruka, depois sira atu fo fali ami nia osan, maibé ida hanesan PHP (pemberiann Harapan Palsu) de’it ba ami, tanba to’o oras ne’e kompaña haluha ona ami”, tenik Rude.
Tanba ne’e, reprezenta eis Siguransa na’in 8 iha Timor Resources iha Covalima Rude de Sousa Ejiji kompaña Timor Resource, atu re-imbolsa osan alimentasaun nian durante fulan-8 inklui saláriu fim do ano nian iha tinan 2021, tanba sira kumpre ona dever hanesan traballador empreza nian.
“Ami Ejiji buat tolu ba Timor Resources, ida mak Selu fali ami nia osan han fulan 8 nian, kada loron $10.00, Ami nia Gaji 13 tinan 2021, no mos Timor Resources tenki selu PHK ba ami kuandu hasai ami hosi servisu”, Katak nia
Rude dehan Sira Na’in 8 hahu servisu ba Timor Resources hanesan seguransa molok hahú perfurasaun mina rai maran iha Munisipiu Covalima, iha tinan 2019 to’o 2022, hodi asegura seguransa durante perfurasaun mina rai maran iha Covalima, partense iha Perfurasaun Mina Posu Feto Kmaus no Posu Lafaek.
Eis Siguransa Iha Timor Resources ba Perfurasaun Mina Rai Maran ne’e mak hanesan Rude de Sousa, Calistro, Niko, Tito Tilman, Agus, Anis, Sabino, Sico. Vítima hirak ne’e sei hato’o keixa ba SEFOPE atu buka solusaun ba problema hirak ne’e.
Entantu to’o Notisia ne’e hatun, G-News seidauk halo Konfirmasaun ho Kompaña Timor resources
Jornalista : Chamot Bere Badaen
Editór Testu : Amito Qonusere Araújo
loading="lazy" />