G-NEWS (DILI) – Tersa-Feira (11042023), Ministériu Administrasaun Estatal distribui viaturas operasionál ba Servisu Tékniku Administrasaun Eleitóral (STAE) Munisípal no Nasionál.
Distribuisaun viaturas ne’e, atu atende ba servisu STAE nian, âmbitu ba eleisaun Parlamentar ne’ebé sei akontese iha loron 21 fulan Maiu tinan 2023.
Vise-Ministru Administrasaun Estatal Lino de Jesus Torrezão, akompaña hosi Diretór Jerál STAE Acilino Manuel Branco, hala’o serimoniu distribui viaturas operasional ba STAE munisipius no STAE Nasional hodi fasilita servisu operasionál STAE nian.
“Viaturas ne’ebe maka STAE simu hamutuk sanulu resin walu (18) kada STAE munisipius 13 no STAE RAEOA sei hetan viaturas ida no viaturas 4 seluk sei utilization iha STAE Nasional”, tenik Governante ne’e.
Tuir observasaun G-News iha terrenu, viaturas hirak ne’e entrega direta hosi membru Governu, ba Diretór STAE Nasionál no Munisípal.
Alende ne’e, STAE mós sei hala’o formasaun ba brigadista sira hamutuk 147 hodi bele hala’o kna’ar iha sentru votasaun sira ne’ebé estabelese iha territóriu Nasionál
Jornalista : Ekipa G-News
Editór Testu : Amito Qonusere Araújo
loading="lazy" />