PN Aprova Loron Nasionál Liberdade Imprensa, KI Apresia, Luta AJTL Sussesu

Jornalísta : Amar Belo //

G-RTV.com (Dili) : Prezidente Konsellu Imprensa (KI) Fó Apresiasaun Maka’as Ba Palamentu Nasionál Ne’ebé Vota Afavór Ba Loron 16 Fulan Outubro Nudar Loron Nasional Liberdande Imprensa.

“ Lori KI nia naran hakarak hato’o apresiasaun maka’as teb-tebs ba parlamentu Nasional ba nai prezidente parlamentu, meza no nai deputadu sira ne’ebé horseik (tersa,24/05) hamutuk liu husi debate ida hodi aprova liu husi rezolusaun parlamentar NO 95/5 hodi deside  loron 16/10 nu’udár loron nasionál ba limberdade imprensa, KI apresiasaun tamba esforsu naruk ne’ebé komunidade mídia no jornalista sira halo hahu inisiu 2000 ho inisiativa husi asosiasaun Jornalista Timor Leste (AJTL) nian tesik mai, ha’u sei hanoin katak iha Sekretaria Estadu Komunikasaun Sosiál, Nelio Izac nia tempu no asosiasaun barak mak propoint data ne’e iha ne’ebá ” Deklara Presidente KI, Virgilio Guterres ‘Lamukan’ liu husi konferénsia imprensa iha sala konferensia, kintal bo’ot, kuarta feira, Ohin, 25/05/2022.

Molok atu aprova loron ne’e, iha debate laran membru parlamentu nasionál inklui Jornalísta sira barak kestiona kona ba loron ne’e, tamba sa? la ba loron seluk ka loron jornalísta sira mate? maibé depois konsulta sira ne’e, barak mak konkorda ho loron 16 fulan Outubru tamba ho razaun ninia gema (Nuansa/eku) trájiku ne’e bo’ot la’ós de’it jornalistika hanesan asasinatu ida maibe mós nia sai hanesan nuansa polítiku ida ne’ebé bo’ot tebes tamba invasaun militar indonezia ka invazaun ne’ebé povu timor leste hamrik luta hahu asasinatu ba jornalista nain 5 mate iha Balibo.

Iha rezolusaun ne’e parlamentu tau pontus tolu mak hanesan institui loron 16 outobru hanesan loron nasionál liberdade imprensa no rekomenda mos ba guvernu kada tinan promove asaun kampaña imformasaun no sensibilisazaun kona ba importánsia liberdade imprensa ninian no rezolusaun nemos apela ba orgaun komunikasaun sosiál, jornalísta, konsellu imprensa, ensinu superior relasiona komunikasaun sosiál atu hamutuk selebra loron ne’e hodi promove liberdade imprensa nomos defende direitu públiku informasaun ninian.

Votasaun ba aprovasaun loron ne’e, deputadu maioria hiit kartaun aprovasaun nian maibe antes ne’e assosiasaun liu-liu AJTL ne’ebé durante ne’e, besik tinan 10 resin inisia luta hamutuk ho assosiasaun sira seluk atu estadu bele fó loron espesiál ruma ba liberdade inprensa Timor Leste hodi la’ós de’it selebra internasionálmente iha loron 3 fulan Maiu.

(REMATA).