G-RTV News (16/05/2021) : Espoza husi atuál Sekretáriu Estadu Arte no Kultura (SEAK), Teófilo Caldas ho inisiál ‘’AM’’ tara-an iha nia rezidénsia Bebonuk.
Tuir informasaun husi fontes balun katak, iha kalan ida antes (15/05), mais ou menus tuku 19:00, matebian ho nia kaben haksesuk malu, bainhira remata hakesuk malu, matebian rasik tama iha kuartu laran no xave metin odamatan, kalan ida tomak matebian mesak iha kuartu laran, hafoin iha loron tuir mai (16/05), iha tuku 7 dadér, oan sira bolu nia mama maibé la hatan, liu tiha minutu balun, oan sira deside hodi harahun odamatan, husi ne’e foin deteta katak matebian mate ho kondisaun tara-an.
Bainhira família identifika matebian nia kondisaun, informa kedas ba autoriedade seguransa, liu tiha oras balun, Polísia Nasionál Timor Leste (PNTL), inklui unidade Forensik no ekipa saúde to’o kedas fatin akontesimentu hodi dada liña polísia ba areadores akontesimentu, no kontinua hala’o investigasaun hodi rekolha dadus husi mate-isin no identifikasaun ba família.
Hafoin tuku 12 meiu-dia, liu minutu balun, ekipa PNTL no saúde remata prossesu investigasaun no deside transporta matebian ho karreta forensik hodi lori ba HNGV, atu kontinua ba prossesu autópsia.
Bainhira lori sai mate-isin ba autopsia, akompanã moos husi nia laen no oan-sira no matebian husik hela laen no oan hamutuk na’in 4 inklui oan hakiak ida.
To’o notísia ne’e hatun, seidauk iha konfimasaun husi parte família no PNTL konabá rezultadu investigasaun hodi hatene motivu husi akontesimentu ne’e.
Akontesimentu ne’e akontese iha aldeia 20 de Setembro,, suku Bebonuk, Postu administrativu D. Alexo, Munisípiu Dili.
Jornalista : Arménio.
loading="lazy" />