G-NEWS (SUIÇA) – Primeiru-Ministru (PM), Kay Rala Xanana Gusmão too ona iha Suiça hodi prepara aan partisipa iha Forum Ekonómiku Mundiál (World Economic Forum) bá dala-54 iha Davos-Klosters.
Xefe Governu ho delegasaun hala’o viazen hosi Bali liu ba Dubai too Aeroportu Internasionál Suiça iha 70:30 dadersan.
Primeiru-Ministru Xanana ho delegasaun simu direita Embaixadora Timor-Leste Missaun iha Zenebra, Lurdes Bessa no ekipa protokolu hodi kontinua viazen kedas ba Otél Valbella Resort ne’ebé dook malu ho área ka fatin enkontru Davos-Klosters kilometru 40 ho tempu viazen oras ida.
Too iha Otél, PM Xanana kontinua realiza kedas reniaun badak Embaixadora Lurdes Bessa hodi atualiza agenda enkontru Forum Ekonómiku Mundiál
Embaixadora Timor-Leste Missaun iha Zenebra, Lurdes Bessa agradese tebes ba vizita PM Xanana nian importante hodi hametin kooperasaun Timor-Leste ho parseiru sira iha membru Forum Ekonómiku Mundiál.
PM Xanana akompaña hosi Embaixadora Timor-Leste Missaun iha Zenebra, Lurdes Bessa hala’o mós reniaun kortezia ho Konsul Onoráriu Timor-Leste ba Alemaña, Uta Lena Lenzen hodi atualiza programa servisu sira kona-ba progresu kooperasaun servisu ne’ebé rai rua estabelese durante ne’e no haree kontinua programa ne’ebé sei hala’o entre rai rua iha tinan ne’e ba oin.
Iha enkontru Konsul Onoráriu Timor-Leste ba Alemaña, Uta Lena Lenzen indrodus konvite hosi Governu Alemaña atu konvida xefe governu hala’o vizita ofisiál ba Alemaña iha fulan junu tinan ne’e nia laran.
Asuntu seluk tan maka, Konsuladu Uta Lena Lenzen introdus ba xefe governu kona-ba nia parte atu lori intelektuál na’in lima ne’ebé koñesidu iha Europa no simu ona Premiu Novel oin-oin atu hala’o vizita ba Timor-Leste no hala’o enkontru no entidade, sosiedade no estudante universitáriu sira inklui vizita munisipiu balun iha Timor-Leste.
Agenda ba programa ne’e rasik, Konsuladu Uta Lena Lenzen aprezenta mós ba Prezidente Repúblika, José Ramos-Horta durante ninia vizita ba Timor-Leste.
Entreantu iha parte lokraik, Xefe Governu Xanana akompaña hosi Embaixadora, Lurdes Bessa partisipa jantar amizade no benvindo hosi Klaus no Hilde Schwab hamutuk ho xefe estadus, xefe governu, organizasaun internasional, no membru Forum Ekonómiku Mundiál sira.
Tuir agenda iha kuarta-feira 17 Janeiru 2023 dader too lokraik mak PM Xanana no xefe governu no xefe estadu ASEAN nian balun sei partisipa abertura Forum Ekonómiku Mundiál iha sidade Davos-Klosters ne’ebé ho kondisaun iklima malirin ho jeilu.
Xefe Governu Xanana sei hato’o mós palestra ba parseiru sira liga ho tematika haat ne’ebé deside ona.
Tuir agenda, Forum Ekonómiku Mundiál ne’e sei partisipa direita hosi lider mundiál sira hanesan, Sekretáriu Jerál Nasoes Unidas (ONU), António Guterres, Primeiru-Ministru Kambondia, Hum Manet, Prezidente Repúblika Singapura,Tharman Shanmugaratnam, Prezidente World Bank Group, Ajay S Banga, Primeiru-Ministru Bulgaria, Nikolai Denkov, Diretór Jerál WHO, Tedros Ghebreyesus no bainaka importante sira seluk ne’ebé sei hato’o hanoin di’ak sira atu bele serbisu hamutuk iha prioridade temátika haat ne’ebé sei deskute durante forum iha Davos-Klosters.
Mídia GPM
loading="lazy" />