G—NEWS (BAUCAU) —PNTL Munisipiu Baucau Halo ona identifikasaun no detein ona suspeitu ho inisial SCS idade 34, ba kazu dezintendimentu ho Padre Paroku Santa Terezinha Quelicai David Savio SDB, iha segunda feira dader mais ou menus tuku sia ho balun, iha eskritoriu Santa terezinha Quelicai, rejulta Padre nia Faru nakles.
Komandante PNTL Munisipiu Baucau, Superintendente João Sancho Pires hateten, depois de akontesementu parte Polisia eskudra Quelicai to’o kedas iha lokal do krime, hodi lori vitima no suspeitu ba eskuadra Quelicai, atu submete ba prosesu identifilasaun no investigasaun.
Komandante hatutan, komando konsidere kazu ne’e krime, tamba evidensia padre paroku nia faru nakles hotu.
“Hakarak ga lakohi amu nia faru ne konsidera agresaun Fisiku, kazu ne’e ba oin ona, agora dadaun Amu iha ami nia fatin no suspeitu iha hela sela laran no sei rejistu iha MP”. Dehan Komandante Interinu iha Komando PNTL munisipiu Baucau Tersa Feira (13/05/2025)
Komandante Munisipiu husu Ba komunidade no sarani tomak, bainhira trata dokumentu ruma presija pasensi hodi labele repete hahalok ne’e.
“Ita mai ho hanoin diak, intensaun diak sei la hamosu buat ruma, tamba ne’e mak aviza ba komunidade no sarani sira iha Baucau laran tomak karik ba trata dokumentus ruma karik tenki pasensia atu labele mosu hanesan ita nia maluk halo uluk ona, ho hahalok ida ne’e estraga hela imagen sarani Quelicai nian naran”. Dehan João Sancho
Vitima Padre Paroku Santa Terezinha do Menino Jesus, Padre David Savio SDB hateten, rekoñese ba sidadaun refere nia dokumentus tarde tamba funsionariu ne’ebe mak atende tau asentu ba sertidaun sira la tama servisu tamba moras estruk, hodi konselu parokia seidauk halo substituisaun, Padre David Savio SDB haktuir kronologia.
“Nia mai ne’e atu halo sertidaun baptizmu ba labarik sira nian, nia ejije atu halo lalais, komu buat ne’e mos parte ami nia sala hotu tamba ita buka ema mak la iha atu subtituis ba funsionariu ne’ebe mak dadaun ne’e moras estruk, agregasaun fiziku ne’ebe hasoru hau karik ida ne’e merese ba hau tamba ami nia servisu mak hanesan ne’e, maibe hau fo hatene saida mak nia rajaun maibe hau nia hakarak kazu ne’e to’o deit iha ne’e”. Haktuir Amu Paroku
Tuir planu depois de investigasaun remata, tersa feira ne’e Parte Komandu PNTL munisipiu Baucau kontinua ba rejistu kazu ne’e ho Numeru NUC/ 0015/ 25/BCQLC iha ministeriu Publiku/ hodi submete ba Tribunal primeiru Instasia Baucau.
Tribunal adia julgamentu
Quarta Feira ne’e Tribunal Judisiariu Primeiru Instasia Baucau/hadia julgamentu ba arguidu SCS ba kazu agresaun fiziku simples hasoru padre David Savio/iha Eskritoriu Paroquia Santa Terezina Quelicai Munisipiu Baucau iha loron 12 fulan maio tinan nee.
Defensor Publiku Munisipiu Baucau Agustinha de Oliveira hateten/Tribunal deside adia Julgamentu Primeiru interogatoriu iha loron 21 fulan maio tinan nee.
“Ohin prosesu sumariu atu tama ba halo julgamentu maibe komu lejadu la marka prejemsa antaun Tribunal hadia fali julgamentu ba iha dia 21 de maio oras tuku rua loraik tamba krime ida nee krime semi publiku depende de keisa tamba lejadu mak tenki iha nee tamba lejetimidade tomak nee iha lejadu nian liman antaun ohin julgamentu nee la realiza”, Dehan Defensor Publiku iha TJIB Quarta Feira (14/05/2024).
Durante loron tolu suspeitu detein iha sela detensaun komando PNTL Munisipiu Baucau hodi submete ba Tribunal Quarta Feira ne’e.
Proseu sumariu ne’e prezide husi Juis Solana no husi Ministeriu Publiku Bartolomeu no arguidu hetan defeza husi defensor publiku Agustinha de Oliveira.
loading="lazy" />