G-NEWS (DILI) – Komandu PNTL liuhosi Unidade Espesial Polisia (UEP), halo operasaun lao ain iha tempu kalan hodi garante seguransa ba komunidade sira iha Kapitál Dili ne’ebé halo movimentu nune’e la fó espasu ba ema hamosu problema iha tempu kalan.
Komandante UEP Superintendente Damião Correia, hateten operasaun movél ne’e nia objetivu mak atu mantein ordem Públika no asegura seguransa ba Komunidade sira liu-liu antesipa krime ne’ebé akontese iha Dili laran.
Ekipa PNTL-FFDTL kaptura ona líder másimu grupu Rabat Kesi
“Ita atribui tarefas ba Komandante Operasaun hodi halo atividade patrulla lao ain tama sai Suku, Aldeia no Bairo iha tempu kalan, hodi halo esforsu tomak garante situasaun hakmatek ba komunidade hotu iha sidade Dili, liu-liu ba sira ne’ebé perturba ordem públika”, esplika Damião, iha área Caicoli.
Superintendente Damião Correia dehan, atu prevene konflitu no responde ba asaun kriminál ka hamosu situasaun negativu, PNTL sei responde persuasivu no represivu hodi mantein situasan hakmatek atu labele mosu sitausaun negativu.
PNTL sei la husik líder OAM-AR fase liman ho krime públiku
“Tuir orientasaun Komandante-Jerál PNTL nian ita prepara rekursu hodi halo patrullamentu lao ain tama-sai bairru, iha área sira ne’ebé determina ona iha Dili laran liu-liu fatin ne’ebé konsidera hanesan área risku ba konflitu”, subliña.
Iha operasaun ne’e, ekipa konjunta hetan informasaun hosi komunidade katak iha joven balu iha área Caicoli (CCD nia sorin) joven sira konsumu alkohol iha estrada públiku, nune’e bainhira ekipa to’o iha fatin refere hapara kedas no haruka sira labele repete tán.
Enkuantu durante halo operasaun movel iha Kapital Dili, membru UEP sira mós halo pasa revista ba viaturas hirak ne’ebé deskunfia rai sasan kroat no-mos motorista sira ne’ebé la kompleta asesores viaturas nian.
Jornalista : SRP
Editór Testu : Amito Qonusere Araújo
loading="lazy" />