G-NEWS (DILI) – Vise Reitór Universidade Dili (UNDIL) Francisco Martins, informa ba G-NEWS, iha Mascarenhas Dili, kuarta-feira (22052024) konsidera problema saúde ne’ebé to’o oras ne’e seidauk iha solusaun, liu-liu problema aimoruk, grave, no presiza iha responsabilidade.
Tuir Vise Reitór UNDIL Francisco Martins katak, problema saúde ne’e sériu, no grave tebes, no parte kompetente tenke toma responsabilidade, no tenke sériu trata povu nia vida, la presiza halo justifikasaun, maibé presiza responsabilidade.
“Tuir informasaun públiku konsume, grave, no ne’e presiza atensaun másimu hosi auotoridade estade, karik iha dezafiu sériu ruma mak estadu ou parte relevante enfrenta, aprezenta, no mai mós ho solusaun, lalais no imediata”, Francisco Martins ko’alia ba G-NEWS.
Nia dehan tán, kauza hosi problema saúde durante ne’e mak jestaun polítika, tanba tuir Vise Reitór ne’e katak, Ministériu Saúde, tenke halo planu di’ak, no inklui preparasaun ba demanda Aimoruk.
Preparasaun ne’ebé la di’ak, sei implika iha atividade servisu, no agora haree oinsá kompaña sira mak hetan konfiansa ka manan tenderizaun hodi sosa Aimoruk, tenke haree mós esperensia, kompeténsia intermu kapasidade atu responde ba demanda Ministériu, iha koñesimentu área servisu, maibé kuandu la iha kapasidade, implika ba servisu Ministérial.
Dalaruma Ducurai-oan leba moras ba sentru Saúde tanba estrada grave
“Ema dehan hanesan ne’e, fail to plan mak plan to fail. Falla halo planu di’ak mak planu ba falla ne’e duni. Ha’u hanoin katak, servisu ne’e sira hotu hatene, no planu di’ak iha área relevante ne’e sira hatene. Maibé, koordenasaun di’ak iha ka lae hodi enfrenta dezafiu sira. Dalan úniku mak ne’e, halo intervensaun imediata, deteta fallansu, foti medida kedas. Reve didi’ak planu ho pesoal kompetente”, Francisco Martins haklean liu tán
“Seriedade lao ho intensidade ida-idak nian. Buat ida mak presiza tau atensaun mak ne’e; servisu professional kahur ho nomeasaun Politika. Tuir observasaun ita haree, kada Ministru foun, sempre iha mudansa iha área saúde, no liu-liu pessoal saúde sira, se ne’e tama to’o bainhira servisu professional nian, influênsia kedas ba desempeñ servisu, ema lai ha fatin los, no falta aimoruk refleta tebes desempeñu ne’e”
Funsionáriu HNGV simu subornu konsidera prátika “Máfia Administrasaun”
Atu hakotu, observador akadémiku ne’e husu ba Ministériu Saúde atu ko’alia ba públiku kona-ba problema ne’ebé Ministériu enfrenta, no foti kedan desizaun imediata nune’e bele rejolve.
“Primeiru, Ministériu relevante tenke konfesa sai lolos problema ne’e mak saida, no mai kedas ho desizaun imediata para rezolve, labele budu hela, no hein julgamentu públiku. Segundu, karik iha fallansu, ou intensaun at ruma hosi autor ruma atu hetan benefísiu hosi falta Aimoruk, foti medida kedas, ou prosesu tuir lei. Ikus-liu, se parte sira mak responsabiliza la iha ona kompeténsia, rejigna an”, Vise Reitór UNDIL Francisco Martins hakotu.
Foin lalais ne’e, iha video ne’ebé viral iha salaun emerjénsia Ospitál Nasionál Dili, sai fali diskusaun públiku, tamba ne’e observador akadémika ne’e husu ba Ministra Saúde atu foti medidas rigor, no tenke responsabiliza.
Editór Testu : Amito Qonusere Araújo
loading="lazy" />