Jornalísta : Júlio Paixão //
G-RTV.com (Manatutu) : Kandidatu prezidente repúblika 2022-2027, Tenente Jenerál Reformadu, Lere Anan Timur (LAT), hala’o nia kampaña abertura iha munisípiu Manatutu Villa, tersa ne’e.
Iha kampaña ho forma komísiu ne’e, LAT promete sei halo diálogo nasionál inklui resolve problema foinsa’e sira nian.
‘’Ha’u sai prezidente, promete katak hau sei bolu maun bo’ot sira atu tur hamutuk, halo diálogu no serzolve problema foin-sa’e sira nian liu-liu problema arte marsiais no rituais sira’’,Deklara kandidatu LAT iha abertura kampaña Prezidensiál, Manatutu-Vilaa, Tersa, 02/03/2022.
Lere mós hatutan, númeru 8 hanesan númeru ne’ebé úniku tambá atu baku fila mós nafatin númeru 8 nafatin tuir nia prinsípiu.
‘’ Númeru 8 hanesan númeru ne’ebé úniku tambá, atu baku fila mós nafatin númeru 8 nafatin tuir ha’u nia prinsípiu, mate ka moris ukun-rasik-án’’, Dehan LAT ho númeru sorteiu 8 ne’e.
Iha fatin hanesan, veteranu tinan 24, atuál membru parlamentu nasionál husi PLP, L-7, afirma, agora fó tempu alin ikun ukun fali.
‘’Uluk imi vota ona bá maun Xanana, Horta, Horta no Lúolo, agora tenki fó tempu ba alin ikun mak ukun fali, se alin ukun to’o 2027, ami katuas sira ukun hotu, ami sei fó fali tempu ba jerasaun foun, ne’ebé agora, tempu to’o ona imi tenki vota ba avô Lere tamba nia mak marka diferente’’,Afirma Lere.
Entretantu, parsipa iha eventu polítiku ne’e, mai husi simpatizante no militante partidu balun inklui populasaun iha munisípiu Manatutu no hetan observasaun direta husi CNE, STAE inklui mós observadór internasionál. (REMATA)
loading="lazy" />