G—NEWS (DESPORTU-INTERNASIONÁL) Esperansa ida maka Leny Yoro fó sai. Defeza Manchester United ne’e optimista katak nia ekipa bele hakat ba semifinal Liga Europa 2024/2025.
Iha semana kotuk, MU vizita Estádiu Groupama. Sira dezafia reprezentante fransés sira, Lyon iha jogu dahuluk hosi kuartu-finál Liga Europa 2024/2025 nian.
Iha jogu ne’ebá, MU kuaze manán ho skor 2-1. Maibé segundu 30 molok remata, Rayan Cherki marka golu ida no halo empata ba 2-2.
Iha semana oin, MU sei simu Les Gones iha Old Trafford ba jogu daruak. Yoro iha konfiansa katak MU bele manan jogu ida ne’e.
Fiar-an
Iha nia entrevista iha Sport Witness, Yoro optimista katak nia ekipa bele manan jogu hasoru Lyon.
Nia fiar katak joga iha Old Trafford sei sai vantajen ida ba Manchester United iha jogu krusial ida ne’e.
“Ami hanesan Manchester United no ami tenke iha konfiansa katak ami bele hakat ba jornada tuir mai”, tenik Yoro.
Labele Arrogante
Yoro mos laran taridu atu hateten katak Manchester United sei sai ekipa ho posibilidade diak liu atu hakat ba semifinal.
Nia dehan iha mundu futebol buat hotu bele akontese tan ne’e nia ekipa tenke prontu ba posibilidade hotu.
“Ami lakohi tau rótulu hanesan ekipa favoritu iha enkontru ne’e, tanba ami hatene katak buat hotu bele akontese iha mundu futeból nian”, nia subliña.
Jogu tuir mai
Molok hasoru Lyon, Manchester United sei hala’o jogu ida iha kalan ne’e.
Ekipa ne’ebé ho apelidu Red Devils sei hasoru Newcastle iha semana 32 hosi EPL 2024/2025.
loading="lazy" />