Jornalísta : Arménio //
G-RTV.Com (Lautém) : Relasiona ho kazu ameansa ne’ebé virál iha média sosiál konabá sidadaun balun ne’ebé tenta atu halo asaltu bá movimentasaun transporte husi munisípiu Lautém no Manatutu, komandu Polísia Nasionál Timor Leste (PNTL) munisípiu tolu halo ona koordenasaun alerta.
‘’Ami rona hafoin tempu eleisaun segundu volta , liu husi voice call iha média sosiál, dadaun ne’e PNTL munisípiu Lautém, Baucau no Manatutu, ami alerta hela atu halo passa revista no hato’o informasaun bá passajeiru munisípiu Lautém, atu la’o karik ho kuidadu, Bus bele rua tolu la’o hamutuk, hetan assaun ne’e favor fó informasaun lalais,’’ Dehan komadante PNTL munisípiu Lautém, Superintendente Polísia, António Freitas iha komandu Lautém, 22/04/2022.
Komadante ne’e informa liu tan, oras ne’e dadaun iha pontu entrada munisípiu Lautém ne’ebé lokaliza iha Laivai, halo ona monitorizasaun durante loron hirak bá oin hodi evita perturbasaun movimentasaun transporte Lautém-Dili.
Tuir observasaun, hafoin publikasaun refere, komunidade Lautém balun konsege pániku ho informasaun refere, maibé felizmente la akontese hafoin elisaun sugundu volta remata to’o agora.
(REMATA).
loading="lazy" />