AMN kontra PN sosa “kareta no Leptop foun” ba Deputadu sira

G-NEWS (DILI) – Aliansa Maubere Nasionál kontra makaas polítika Parlamentu Nasionál atu sosa kareta no leptop foun ba deputadu sira iha tinan 2023.

Liu husi konferensia Imprensa, Sexta-Feira (21102022), iha Kampu Sentral UNTL Kaikoli, Dili, Koordenador Jeral Aliansa Maubere Nasional Gaspar Mauganu hateten, Dezenvolvimentu ohin loron ho karakter top down ka husi leten ba kraik implika distribuisaun injustu ba rekursu Timor nian, maske konstitusaun RDTL rasik konsagra iha artigu no 6 hateten, Estadu tenke halo distribuisaun justa ba soin timor nian, nune’e povu hotu-hotu bele sente moris ho dignidade no saudável.

” 𝑖𝑑𝑎 𝑛𝑒’𝑒 𝑡𝑢𝑖𝑟 𝑎𝑚𝑖 𝑛𝑖𝑎 ℎ𝑎𝑟𝑒 𝑙𝑎 𝑎𝑘𝑜𝑛𝑡𝑒𝑠𝑒 𝑖ℎ𝑎 𝑚𝑜𝑑𝑒𝑙𝑢 𝑓𝑜𝑡𝑖 𝑑𝑒𝑠𝑖𝑧𝑎𝑢𝑛 𝑛𝑒’e𝑏é 𝑖𝑚𝑝𝑜𝑖𝑛 ℎ𝑢𝑠𝑖 𝑙𝑒𝑡𝑒𝑛 𝑏𝑎 𝑘𝑟𝑎𝑖𝑘 ℎ𝑜𝑑𝑖 𝑒𝑚𝑎 ℎ𝑜𝑡𝑢 𝑠𝑢𝑏𝑜𝑟𝑑𝑖𝑛𝑎 𝑛𝑜 𝑙𝑎𝑖ℎ𝑎 𝑑𝑒𝑚𝑜𝑘𝑟á𝑠𝑖𝑎 𝑝𝑎𝑟𝑡i𝑠𝑖𝑝𝑎𝑡𝑖𝑣𝑢, 𝑚𝑎𝑖𝑏é 𝑖ℎ𝑎 𝑚𝑎𝑘 𝑑𝑒𝑚𝑜𝑘𝑟á𝑠𝑖𝑎 𝑒𝑙𝑒𝑖𝑡𝑒 𝑚𝑖𝑛𝑜𝑟𝑖𝑎 𝑎𝑙𝑖𝑎𝑠 𝑑𝑖𝑡𝑎𝑑𝑢𝑟𝑎 𝑑𝑜𝑠 𝑒𝑙𝑒𝑖𝑡𝑒 ” Hateten Koordenador jeral AMN Gaspar Mauganu.

Tuir Nia, AMN kompostu husi organizasaun Social, no setór masa sira seluk hanesan ambulante, kiak sidade, Agrikultor, Traballador ezisi Parlamentu Nasionál atu hapara planu polítika sosa kareta no laptop foun ba deputadu sira.

Sira mós husu ba Prezidente Republika atu tetu didi’ak OJE molok promulga, no sujere atu veta kuandu Parlamentu Nasional la altera dotasaun orsamentél kona-ba sosa karreta no laptop foun.

Iha tempo hanesan Sindikatu Trabalhador Miguel Monsil haktuir, bainhira Parlamentu Nasonál la altera, sira sei halo asaun pasifika hodi hasoru. Sira mós sei uza forsa polítika ida atu obriga Parlamentu Nasionál hodi bele ba realidade moris Povu nian.

Tamba tinan rua-nolu resin ona independénsia, maibé povu maiória mak sei moris iha liña pobreza, ma-nutrisaun, dezempregu, sistema saude ne’ebé la adekuadu no setor edukasaun ne’ebé la iha kualidade. Ida-ne’e rezultadu hosi dezenvolvimentu ekonomia-politika ne’ebé la’o hela iha Timor-Leste, iha ne’ebé despeza publika la fo benefisiu ba povu maubere nia interese.

Polítika sosa Kareta no Leptop foun ne’e, tuir sira katak la reflete interese povo hotu-hotu nian, no konsidera sai ona toman ida iha sira nia ukun.

Jornalista       : Amar Belo

Editór             : Amito Qonusere Araújo