G-RTV.Com (DILI) : Ministériu Transporte no Komunikasaun (MTK) liu husi Autoriedade Nasonál Komunikasaun (ANC-Sigla português) kontinua distribui sertifikadu rezistrasaun ba kompañia fornesidór linã Internet ka Internet Service Provider (ISP) ha’at (4)
Sertifikadu rezistrasaun ne’ebé guvernu oferese hanesan lisensiamentu legalizasaun ba kompañia atu hala’o nia atividade sira iha Timor Leste.
‘’Ohin MTK liu husi ANC atribui tan sertifikadu rezistrasaun ba kompañia 4 hodi legaliza, maibé antes hetan lisensiamentu legalizasaun, tenke kompleta rekézitus administrasaun, tékniku legáis, no tékniku nian tuir dekretu Lei númeru 30/15’’. Hateten Ministru MTK, Agustinho Da Silva, iha salaun ANC, kaikoli, Kuarta ne’e.
Guvernante ne’e hatutan tan, sertifikasaun ne’e atu fo serteza ba kompañia sira atu halo operasaun no kontribui liu tan reseitas ba estadu.
‘’Liu husi sertifikasaun ne’e fó serteja ba estatutu kompañia sira atu halo operasaun ba nia kliente sira, no kontribui ba reseitas doméstika ba estadu nu’udár parseiru ba guvernu’’. Informa Nia.
Reprezentante komapañia 4 ne’ebé simu legalizasaun ne’e, deklara, prontu ona atu fornese liña internete ho kualidade ba kliente sira.
‘’Hanesan kompañia lokál ami prontu ona atu fornese liña internet ho kualidade ne’ebé-ás, tuir liña fornesedór internasionál no liña operadór fornesimentu lokál (ISP), tambá Megtelco rasik oras ne’e, servisu hamutuk ho Gardamor Internet Service Provider (Gardamor-ISP) ne’ebé antes ne’e, iha ona lisensa’’. Deklara Grigório Ferreira, hanesan diretór ezekutivu komapañia MEGTELCO S.A. hafoin simu setifikadu lisensiamentu.
Dirijente kompañia ne’e moos afirma, fornesidór liña internet sira ne’ebé hetan ona legalidade, sei kolabora ho guvernu atu kombate liña illegal sira.
‘’Ami nia prezensa liu-liu Magtelco nian, iha fornesidór servisu rua, ida bá iha Internet no ida seluk konabá televizaun (Kanais televisoras Komersiál), tambá tuir ami haree taxu bá emisaun ba programa televizaun nian barak tebes, iha legalidade ou lae, magtelco hamutuk ho kolega sira nia prezensa, atu kolabora ho guvernu hodi kombate atividade illegal ne’ebé ezisté inklui internet’’. Afirma dirijente ne’e.
MEGTELCO investimentu Timor-oan ho nia fasilidade hanesan kabu fíbra ótika no Switch Microtika hodi faan liña internet iha retallu ba konsumidór doméstika, privadus no públiku, no faan moos kanáis televizoras hamutuk ho kanais free-on-air. Area Operasionál ba MEGTELCO, oras ne’e, iha de’it munisípiu Dili no tuir planu sei to’o iha area remotas iha territóriu nasionál’’
provizóriamente, kompañia ne’ebé hetan ona lisensa ba atividade fornesimentu liña internet hamutuk 10 resin, inklui Gardamor-ISP, Metro-Link, no atuálmente, atribuisaun faze ba loron ohin nian mak Megtelco, Rapvision, Morapido, no Elite Computer.
loading="lazy" />