G-NEWS (DILI) – Sekretáriadu – Kâmara Eclesiástica Arquidiocese Metropolitana Dili, Tersa-Feira (11042023) hasai komunikadu urjente ida ba sarani Katólika iha territóriu Timor laran tomak, kona-ba perigu akontese eklipse fulan taka metin loron matan.
Iha konteúdu karta komunikadu ne’ebé G-News asesu katak, karta komunikadu hosi Arqhidiocese Metropolitana Dili ne’e akontese, bazeia ba pedidu hosi kasa sivíl Prezidente Repúblika nian kona-ba eklipse, ne’ebé sei akontese iha Kinta-Feira, loron 20 fulan Abril tinan 2023.
“Iha loron Kuarta-Feira, loron11 de abril, Amu Arcebispo D. Virgilio Cardeap, simuona carta ida husi Presidentebda República mai husi Casa Civil, husu atu habelar informasaun kona ba eclipse ka fulan taka metin loron matan nebe sei acontece iha quinta-feira, 20 fulan abril 2023 ne’e”, haktuir iha karta konuniladu ho klafikasaun Urjente.
Iha karta ne’ebé asina hosi Chanceler Padre Paulus Maya ne’e esplika mós katak, bazeia iha matenek nain sira internacional no nacional nia rekomendasaun katak perigu tebes maske uja ka la uja ókulu bainhira hare ka hateke ba akontesimentu eclipse ka fulan taka metin loron matan.
“Iha lia fuan seluk husu atu labele haree bainhira fenomena natureza nian ne’e akontese, tanba ne’e bele halo matan sai delek ka matan aat (proibidu atu haree)”, haktuir iha karta komunikadu ne’e.
Relasiona ho ne’e, Chanceler Arquidiocese Metropolitana Dili Padre Paulus Maya husu ba sarani sira nia atensaun no komprensaun atu fahe no explika ba estudantes sira hotu, no povu sarani sira hotu ho diak, no ho maneira koomprensiva kona-ba fenoménu ne’e.
Foin lalais ne’e Xefe Estadu José Ramos Horta mós hala’o ona mídia breafing ba Jornalista no Editór sira hosi Instituisaun mídia Lokal, Nasionál no Internasionál kona-ba Eklipse.
Jornalista : Ekipa G-News
Editór Testu : Amito Qonusere Araújo
loading="lazy" />