G-RTV.com (DILI) : Hafoin Prezidente Repúblika (PR) dekreta loron Eleisaun PR iha 15 Janeiru 2022 ho dekretu númeru 2/2022, Eis-Padre Martinho Germano Da Silva Gusmão deklara nia kandidatura ba Prezidente Repúblika 2022-2027.
‘’Ohin, ha’u Martinho Germano Da Silva Gusmão hanesan sidadaun orijinál hakarak deklara publikamente no offisialmente nu’udár kandidatu ho karrakter INKLUZAUN ne’ebé sei kaer metin konsensu nasionál no komprimissu polítiku ‘’ . haktuir deklarante ba G-RTV.com iha loron 18/01/2022, iha Metiaut Dili.
Nia hatutan tan, durante tinan 23 servé altar katóliku nu’udár padre nune’e deside ses husi moris hanesan padre no mai polítiku hodi kandidata-án ba PR ho lema Hodi Povu, Ho Povu, Iha Povu Ita Manan.
Konabá apoiu eh hetan ona ‘’bensaun’’ husi partidu ruma, Martinho Gusmão afirma katak ‘’ Fulan Maiu 2020 hahu halo diálogo ho partidu sira no hotu-hotu apoiu maibé Partidu Unidade Dezenvolvimentu Demokrátiku (PUDD) de’it mak halo ona konsensu no komprimissu atu la’o hamutuk’’ tenik kandidatu Martinho Germano Da Silva Gusmão husi munisípiu Baukau-oan ne’e.
Entretantu, oras ne’e dadaun kandidatu prezidente ne’ebé deklara ona offisiál nia kandidatura ba públiku mak atuál Prezidente Repúblika Franscisco Guterre Lu-Olo no Martinho Gusmão.
Jornalista : Julio Paixão.
Editór : Ekipa G-RTV.com
loading="lazy" />