G-RTV NEWS : Sala Situasaun Sentru Integradu Jestaun Krize ( SS-SIJK ) ohin loron 20 Fulan Marsu Tinan 2021, fo sai dadus atuál Númeru kazu COVID-19 iha Timor Leste.
Tuir Dr. Rui Maria De Araujo hatete katak ‘’Númeru Kazu foun ohin (20/03) iha Munisípiu Dili hamutuk ema na’in 19, Na’in 10 Mai Husi Aldeia 20 de Setembru, Suku Bebonuk, Postu Administrativu D. Alexo’’ Rui Maria haktuir iha Konferénsia Via-Zoom ne’ebé G-RTV NEWS Assesu ( 20/03/2021).
Nia Reforsa tan katak Kazu Munisípiu Dili hahu iha Semana rua liu ba, mai to’o ohin loron, hamutuk 136 no hamosu Klaster foun iha lokalizasaun 4 mak hanesan Aldeia Guideon Suku Villa-Verde ho kazu foun ida no Aldeia Grilhos Suku Gricenfor ho kazu ida, Aldeia Berbidos Suku Bekora ho kazu rua, no ikus liu Aldeia Toko-Baru Suku Kuluhun ho Kazu Ida, nune’e Kazu detetadu iha Munisípiu Dili hakfahe ba Klaster 34.
Kordenadór Mitigasaun no Prevensaun SS-SIJK ba Prevensaun Surtu COVID-19 reforsa tan katak ‘’Munisípiu Baucau no Vikeke ba loron ohin, ita la deteta kazu foun no kazu rekoperadu loron ohin hamutuk Na’in Tolu’’.
Fontes refere konfirma mós katak, kazu ativu ba territóriu Nasionál hamutuk iha Na’in 154, no entre 19 ne’ebé ohin deteta, Mane na’in 6 no feto na’in 13.
Jornalista : Elias Dias / Amar Belo.
Editór : Arménio.
loading="lazy" />