Jornalísta : Arménio / Korrespondente JW //
G-RTV.com (Baucau) : Kampaña Leietorál kandidata prezidente repúblika 2022-2027, Armanda Berta Do Santos, iha munisípiu Baucau, kompremetidu bainhira eleita sai Prezidente Repúblika (PR), sei tau prioritize setór , Seguransa no Defeza iha Laran.
Nu’udár lutu ba Povu no Nasaun Timor leste, Kandidata Armanda Berta promete sei kria kondisaun Dignu ba Polísia Nasionál Timor leste (PNTL) no Falintil Forsa Defesa Timor Leste (F-FDTL),
“Atu hametin liu tan polítika interna, nu’udár Komandante Supremu ha’u sei tau atensaun máximu hodi Dezenvolve liu tan iha área Seguransa no Defeza hodi Bele garante Estadu ida ne’e nia soberanu, Tanba ne’e hau sei fo hanoin Nafatin ba Governu atu kria Kondisaun dignu ba PNTL no F-FDTL Nudar Lutu nasaun Nian hodi salva no guarda povu no nasaun.” Promete kandidata Armanda Berta iha Kampaña loron dala-lima nian ne’ebé hala’o iha Kampu Futeból Triloka, Munisípiu Baukau, Domingo, 06/03/2022.
Prezidente partidu KHUNTO ne’e mós iha komprimísiu polítika seluk, mak sei hametin relasaun ho orgaun soberanu hotu-hotu iha Timor Leste, atu kria Kondisaun diak nune’e bele hala’o servisu hodi hadia povu nia moris tuir konstituisaun Repúblika Demokrátika Timor Leste ne’ebe hatur ona.
Iha fatin hanesan, Konselleiru Supremu Partidu Kmanek Haburas Unidade Nasionál Timor Oan (KHUNTO) José dos Santos “Naimori Bucar”, afirma, se de’it mak hakribit Partidu Khunto ,Nia sei la hetan asentu Iha Governu.
“Se de’it Mak hakribit Partidu KHUNTO, Nia sei la hetan Governu,imi Hakribit Khunto ema sei foti sasan sai hotu ,Tanba Partidu mosu mai ho Fuan bo’ot Laos Matan Berlindus.” Tenik Lider Supremo KHUNTO ne’e, nu’udár mós laen husi kandidata ho númeru sorteiu 9 ne’e.
Líder máximu partidu KHUNTO ne’e, apela mós ba Militante Sira atu labele Insulta Malu , tamba kandidatura nain Sanulu Resin ne’en (16) ne’e, mesak Timor-oan de’it.
“Partidu bo’ot ka ki’ik mesak ita hotu nian, La’’ós Berta deit Maibé ita nian maibe ita atu hamutuk lori Timor Leste ba oin hodi hasai povu husi nakukun laran ba moris diak.” Informa Naimori Bucar ba Apoiantes sira.
Entretantu, kampaña ne’e superviziona husi Komisaun Nasionál Eleisaun (CNE-Sigla Português), inklui hetan mós observasaun husi observadór internasionál, no hetan seguransa husi autoriedade seguransa. (REMATA).
loading="lazy" />