G—NEWS (DILI) — Iha edisaun ida-ne’e, G-NEWS aprezenta informasaun ida ne’ebé destaka istória inspiradora ida hosi mundu militár, ne’ebé reflete profisionalizmu no integridade hosi soldadu ida nian. Notísia ida-ne’e la’ós de’it ilustra reziliénsia hosi membru militár ida hasoru presaun, maibé hatudu mós katak aten-brani loloos la’ós sempre mai iha forma fíziku, maibé liuliu iha kalma no kontrola-an. Hodi halo kobertura ba istória kona-ba Salvador Soares, membru F-FDTL ne’ebé servisu iha Polísia Militár, G-NEWS konsege kaptura esénsia soldadu ida ne’ebé fó prioridade liu ba pás.
Istória Salvador Soares nian maka reflesaun ida kona-ba oinsá importante integridade no profisionalizmu iha aspetu hotu-hotu moris nian, tantu iha kampu funu no iha moris loroloron nian. Nu’udar membru F-FDTL ho grau Cabo, ne’ebé hala’o kna’ar mós nu’udar guarda-korpu espesiál ba Ministru Defeza, nia la’ós de’it hatudu perísia iha ninia kna’ar militár, maibé mós fó ezemplu ne’ebé destakadu kona-ba oinsá soldadu ida bele hasoru dezafiu sein sakrifika prinsípiu umanitáriu.
Nota ida-ne’e destaka la’ós de’it profisionalizmu ne’ebé nia hatudu hasoru situasaun tensu ida, maibé mós ninia desizaun atu hili dalan dame nian maski iha presaun. Bainhira ekipa eviksaun husi governu SEATOU ameasa atu hapara nia ho nia feen nia atividade komérsiu, Salvador Soares hatudu katak soldadu ida nia forsa la’ós de’it iha nia forsa fíziku, maibé iha nia abilidade atu mantein kalma no respeita prosesu legál.
Hodi la uza nia kbiit militár, Salvador hatudu ezemplu ida ne’ebé presiza tebes iha instituisaun militár—katak soldadu ida la’ós de’it atu halo funu, maibé mós atu mantein dame, respeita ema seluk nia direitu, no hala’o nia kna’ar ho profisionalizmu ne’ebé aas liu. La’ós de’it kestaun ida atu afirma forsa, maibé hili atu atua ho matenek no pasiénsia, maski iha pozisaun ida ne’ebé estresante.
Salvador nia hahalok mos inspira ema barak, husi publiku en-jeral to’o maluk militar sira, ne’ebe hare nia hanesan eroi dame lolos. Hanesan espresa hosi figura oioin iha entrevista sira ho G-NEWS, nia hatudu ona mai ita hotu katak profisionalizmu militár loloos la’ós de’it sukat hosi oinsá ita nia forsa iha kampu funu nian, maibé mós oinsá ita bele mantein kalma no dame iha liur.
Iha mundu ne’ebé dalabarak nakonu ho konflitu, Salvador Soares nia ezemplu fó esperansa foun katak ita bele kria ambiente ida ne’ebé hakmatek liu hodi respeita malu, tane aas prinsípiu umanitáriu, no tane aas profisionalizmu iha asaun hotu-hotu. Ida-ne’e maka tipu eroi loloos ne’ebé ita presiza: la’ós de’it ema ida ne’ebé iha forsa fíziku, maibé ema ida ne’ebé luta ho atitude, fuan, no matenek.
Erói dame iha kna’ar loron-loron nian
Iha prosesu hotu-hotu moris nian, dala barak ita hasoru ho opsaun ida—atu atua ho emosaun ka ho matenek. Iha mundu ida ne’ebé dala barak nakonu ho tensaun, iha ema sira ne’ebé ho kalma hili atu kaer metin sira-nia prinsípiu, mantein profisionalizmu, no hatudu katak dame bele hetan liuhosi kontrola-an, maski iha presaun nia laran. Salvador Soares, membru F-FDTL ho grau Cabo husi Clarec-Maruk, suku Uma-Tolu Lacluta, distritu Viqueque, nu’udar ezemplu loloos husi figura ida ne’ebé hili dalan dame nian iha kada asaun.
Foin lalais ne’e, Salvador, koñesidu nu’udar guarda-korpu espesiál Ministru Defeza Pedro Klamar Fuik nian, hatudu sorin ezemplár ida ne’ebé estraordináriu. Hafoin hala’o nia kna’ar estadu nian, nia ho nia kaben deside atu fa’an hodi hatán ba sira-nia nesesidade loroloron nian. Maibé, destiñu hatete oin seluk bainhira ekipa eviksaun ida husi governu SEATOU mai hasoru sira hodi hapara atividade ne’e. Maski iha ameasa no tensaun ne’ebé fó kór ba atmosfera, Salvador, ne’ebé iha kapasidade atu uza forsa nu’udar membru militár, hili atu mantein kalma no hatudu atitude profisionál ne’ebé estraordináriu. Nia la halo buat ruma ho lalais, maibé hatudu oinsá soldadu ida ne’ebé loos hatán ba situasaun ida ho matenek.
Salvador nia asaun la’ós de’it atrai atensaun públiku, maibé hetan mós apresiasaun luan hosi sírkulu oioin. João Evaristo, sidadaun ida hosi munisípiu Likisa, hatete ba G-NEWS iha Domingu ne’e, “Ha’u apresia tebes ho profisionalizmu ne’ebé hatudu hosi Salvador. Nia hanesan modelu ezemplár ba pesoál militár no polísia hotu-hotu iha nasaun ida-ne’e. Iha presaun nia leet, nia hili atu mantein kalma no fó prioridade ba dame, kualidade ida ne’ebé maka funsionáriu públiku sira presiza tebes.”
Nia mós husu ba lideransa másimu Instituisaun F-FDTL atu promove Cabo Salvador ninia deviza nu’udar aktus rekoñesimentu estraordináriu ne’ebé nia hatudu ona liu husi ninia profesionalizmu iha sosiedade nia leet.
Elizario Mesquita, akadémiku ida hosi Universidade Nasionál Timor-Leste (UNTL), akresenta iha entrevista ba G-NEWS iha segunda-feira ne’e, “Salvador Soares la’ós de’it nu’udar soldadu ida, maibé mós nu’udar símbolu ba dame no kontrola-an. Iha mundu militár ne’ebé dalabarak sinónimu ho forsa fíziku, Salvador nia asaun sira hatudu katak militár mós tenke sai pioneiru dame nian no modelu ida.”
Júlio Martins husi munisípiu Baucau hateten ba G—NEWS iha Fatuhada katak, “Ita hotu bele aprende buat barak husi Salvador. Ninia atitude hatudu katak sai soldadu la’ós de’it kona-ba forsa, maibé mós kona-ba aten-brani atu hili dalan ne’ebé loos, maski ema barak koko ita hotu nia mentalidade.”
Filomeno Ximenes, sidadaun ida hosi suku Becora, deklara, “Salvador nia asaun maka ezemplu destakadu ida kona-ba oinsá membru militár ida tenke atua iha situasaun tensu ida. La’ós de’it mantein dignidade, maibé mós respeita prinsípiu sira umanidade nian no dame nian.”
Baltazar Soares, rezidente Manatuto nian mós elojia Salvador nia hahalok ezemplár. “Ha’u orgullu tebes haree membru militár ida hanesan Salvador. Iha mundu ida ne’ebé dala barak ukun ho violénsia, nia hatudu mai ita katak dame bele hetan ho kalma, respeitu no profisionalizmu.”
Salvador Soares nia asaun inspira ema barak no sai tópiku konversa manas iha públiku nia leet. Ema barak konsidera nia nu’udar eroi dame nian, la’ós de’it ba instituisaun militár, maibé mós ba sosiedade tomak. Ezemplu ne’ebé nia hatudu fó hanoin mai ita katak eroi loloos la’ós de’it mosu iha kampu funu nian, maibé mós iha moris loroloron liuhosi atitude sira ne’ebé fó prioridade ba dame, kontrola-an, no respeitu ba ema seluk.
Informasaun ida-ne’e maka prova katak aten-brani la’ós de’it sukat hosi oinsá ita atua maka’as, maibé mós hosi oinsá ita bele kontrola ita-nia an hasoru tentasaun atu atua ho maneira ne’ebé la apropriadu. Salvador Soares hanorin ita katak sai soldadu loloos signifika la’ós de’it prontu atu luta iha kampu funu nian, maibé mós prontu atu mantein dame no hala’o ita-nia kna’ar ho integridade.
loading="lazy" />