G-RTV News: Liu husi komunikadu inprensa ne’ebé foo sai husi Sentru Integradu Jestaun Krije (SIJK), loron 17 fulan ida ne’e, hatudu kazu foun menus liu iha semana ida ikus ne’e, kompara iha fulan balun ba kotuk.
‘’Kazu foun ne’ebé detetadu ohin, hamutuk ema na’in 26, ne’ebé kompostu husi mane na’in 9, no feto na’in 17. Husi totál kazu ida ohin, iha munisípiu Dili hamutuk 21, no munisípiu seluk hamutuk 5 ’’. SIJK informa.
Komunikadu ne’e moos fo sai konabá kazu rekoperadu, hamutuk ema na’in 116, nune’e munisípiu Dili ba semana ida ikus ne’e, redúz maka’as kazu foun no rekoperadu nian, maibé nafatin sai fatin risku bo’ot ba moras Covid-19.
Baixa iha Izolamentu Óspital Vera Cruz, SIJK relata, pasiente na’in 26, iha area Obstetrisia na’in 2, medisina interna na’in 23, no pediatria na’in 1.
Jornalista : Arménio.
loading="lazy" />