G-RTV NEWS ( 26/03/2021) : Aviaun Airnorth rua husi Austrália to’o iha Timor Leste liu husi Aeroportu Internasionál Nocolau Lobatu, Dili. Aviaun rua refere, ida to’o iha Aeroportu Óras 13:01 Ótl no liu oras rua ida seluk tun fali.
Informasaun ne’ebé G-RTV News Assesu iha Aeroportu Internasionál Comoro, Ohin ( 26/03), Aviaun rua refere, tula karga ( Sasan) husi BCTL no hetan seguránsa máximu husi PNTL unidade BOP.
Tuir Observasaun G-RTV NEWS iha terrenu nota katak, bainhira aviaun rua refere to’o iha fatin, kareta husi BCTL 4 hanesan hareta ho marka Mini-kamioneta Box ida, Hilux ida, no inklui Innova rua, para rabat ba iha aviaun rua refere hodi transfere karga ka sasan ne’ebé tula husi aviaun.
Konabá kobertura, Parte seguransa fou-foun la autoriza maibé ikus mai autoriza Média sira halo kobertura iha de’it area Eis Restorante Burger King, Aeroportu nian.
Hafoin halo trasferénsia sasan husi aviaun ba iha karreta, parte seguransa hamutuk ho funsionáriu BCTL tula karga hirak ne’e ba kedas edifísiu sentrál BCTL, Bairro Formosa, Dili. Bainhira to’o iha Edifísiu BCTL, autoriedade BCTL la halo klarifikasaun ruma konabá saida mak Aviaun Komersiál rua ne’e tula mai Timor Leste.
Informasaun seluk ne’ebé G-RTV assesu, MTK rekonhese duni Voo ne’e, ne’ebé hetan pedidu husi parte BCTL maibé parte MTK la halo klarifikasaun katak pedidu refere oinsa.
Husi akontesimentu ohin, ‘’Deskonfia’’ katak aviaun rua refere tula osan estadu iha banku Federal Amerika nian mai Timor Leste ne’ebe tranzita liu husi Australia mai Timor Leste ho montante bo’ot.
Iha fatin hanesan, Funsionáriu ida husi parte Aeroportu nian, fó informasaun katak babain tula Osan fízika husi Amérika mai Timor Leste ho aviaun Hercules, no informasaun konabá tula osan husi Amérika mai Timor, la sai viral hanesan agora ne’e, derrepente de’it aviaun tun ona.
Jornalista : Julio Paixão.
Editór : Arménio.
loading="lazy" />