Jornalísta : Amar Belo //
G-RTV.com (Dili) : Relasiona ho loron nasionál ba veteranu iha timor leste ne’ebé monu iha loron 03/03, kandidatu prezidente (PR) husi partidu Demokrátiku (PD), Mariano Assanami Sabino, la hala’o nia atividade kampaña prezidensiál.
Liu husi konferénsia imprensa, Sekretáriu Jerál PD, Antonio Da Conceicão “Kalohan”, hateten loron Ohin loron veteranos nian tambá ne’e kandidatu PD deside la halo nia atividade.
‘’ Iha loron Ida ohin kandidatura prezidente repúblika husi PD la halo aktividade Kampaña elitorál tamba loron ne’ebé dedikadu ba veteranu sira hodi fó dignifika ba rai ida ne’e nomós fó ónra ba eroi sira ne’ebé mak mate ona’’, Dehan hateten Kalohan iha Sede sentrál PD Kolmera (Dili), Kinta feira ohin, 03/03.
Nia hatutan tan, liu husi loron ne’e, kandidatu PR Mariano Assanami ho númeru sorteiu 16, hakarak fó ónra ba ninia kandidatura ne’ebé nomeia husi PD atu sai kandidatura ba unidade nasionál Timor Leste nian hodi hametin situasaun atuál ne’ebé ita hotu halerik.
Entretantu, tuir planu, eis-membru guvernu ne’e, sei hala’o fila-fali nia atividade kampaña iha munisípiu Manufahe (same).
Hafoin konferénsia imprensa, kontinua kedas ba iha semitériu erói nasionál, metinaru, hodi fó omenájem ba erói sira.(REMATA).
loading="lazy" />