“Eklipse Solar” Sientista Rússia, Israel no Astronómia USA iha ona Timor

G-NEWS (DILI) – Relasiona ho fenómenu Eklipse Solar ne’ebé sei akontese iha Timor Leste, iha Kinta-Feira (20040223), ne’ebé bele hetan iha área Com Munisípiu Laútem no Beaço Munisípiu Viqueque.

Diretór Jerál Turismo Jelino Soares, Tersa-Feira (18042023) informaba G-News, iha Ótel Beach Garden, Pantai-Kelapa hateten, iha ona sientista sira hosi nasaun oi-oin ne’ebé okupa ona fatin sira iha área Com Laútem no Beaço Viqueque.

“Sientista husi Rússia hamutuk na’in 28 agora iha Viqueque, iha ne’ebé na’in 16 mak iha área Com, hosi Estadus Unidus Amerika na’in 2 ne’ebé jda seluk nu’udar Astronómia, hosi Israel, Maroko na’in 1, Polandia na’in 2, Australia na’in 4, Malazia na’in 2 no balu iha Dili”, tenik Nia.

Jelino esplika tán, Governu hahú halo ona atividade sira âmbitu akontese senómenu eklipse solár refere hanesan atividade Mini feira, kompetisaun, animasaun, apresenta dansa kultura, konta istória pasadu.

Ho akontesimento fenomenal ne’e atrai turista ho sientista hosi nasaun avansadu sira mai to’o Timor Leste

Ho prezensa sisntista no mídia internasionál sira, sei fó rendimentu ba sidadaun sira ne’ebé rezidente iha área akontese fenómenu ne’e.

“Rendimentu fo impaktolu pozitivu direitamente ba komunidade liuhosi hela iha guesthouse, sosa produto lokal sira hanesan ai-han lokal ho artezenatu”, Nia reafirma.

Nia aumenta tán katak, ekipa Ministériu ho autoridade lokal koordena servisu hodi anima turista ho sientista sira hosi loron 17 to’o loron 20 fulan Abril ne’e.

Tanba fenómenu eklipse solár iha impaktu saúde sei akontese tuir sientista sira, tanba ne’e Governu fó atensaun ba sidadaun sira atu kuidadu bainhira akontese fenómenu ida ne’e.

Baslzeia ba rekomendasaun Doútor espesialista matan durante akontesimentu, keta haree ba loron tanba bele afeta matan at maske uza óklu solar eklipse.

Iha parte seluk, Prezidente Spiritual Denpasar Bali Sri Bhagawan Sriprada Bhaskara ba G-News, Tersa-Feira (18042023) informa, ho fenómenu Eklipse solar ne’ebé akontese, sei fó perigu ba ema nia matan maske uza óklu prevensaun.

Tuir Prezidente Spiritual Denpasar Bali ne’e katak, ho akontesimentu ne’e, sei iha reasaun ba animal sira.

Jornalista     : Ekipa G-News
Editór Testu  : Amito Qonusere Araújo