G-NEWS (DILI) – Kliente EDTL.EP sira lamenta ho servisu informasaun kona-ba sistema 3E ne’ebé ho lentidaun internet afeta kliente sosa pulsa eletrisidade.
Lamentasaun ne’e akontese hafoin sistema 3E falla hodi atende utentes linha eletrika EDTL, no mais pior sosiedade sira ne’ebé asesu informasaun iha plataforma dijital, maibé la autoriza atu fó komentáriu tanba pájina Facebook iha sosiál media iha limitasaun.
Kliente ida iha Suku Bairo-Pite, Alarico de Jesus, via telefone informa ba G-News Kuarta-Feira (29032023) informa, ho sistema lentidaun internet ne’ebé falla hatudu inkapasidade lideransa EDTL.EP nian, no linha eletríca ne’ebé mate laka, estraga totál ekipamentus eletróniku sira.
“Ekipa téekniku EDTL ne’e demais liu. Loron kalan ahi mate hodi estraga ekipamentus. Ida ne’e se nia responsábilidade. Serake ami nia sasan at ne’e EDTL mak mai selu ka”, tenik Nia.
Iha parte seluk, kliente ida iha Munisípiu Ermera Henrique Babo sente trist ho situasaun ne’e, no husu ba Governu atu ezonera ka hasai ona lideransa EDTL.EP tanba la iha kapasidade atu jere instituisaun.
“Sira fulan-fulan simu saláriu boot, maibé atendimentu la diak ba públiku. Situasaun ida ne’e halo kliente lamenta atendimentu EDTL nian ba públiku”, Nia hakotu.
Tanba ne’e, EDTL liuhosi nia pájina ofisial, alerta ba públiku iha territóriu Nasionál, atu pasiensia hodi hein prosesu tomak.
“Ekipa EDTL.E.P esforsu halo manutensaun hodi reativa hikas sentru venda hotu, nune’e husu bá parseria EDTL nian atu pasíensia hodi hein prosesu tomak”, avizu iha pájina ofisial EDTL.EP Kuarta-Feira (29032023).
Jornalista : Ekipa G-News
Editór Testu : Amito Qonusere Araújo
loading="lazy" />