G-NEWS (DILI) – Liuhosi informasaun ofisial ne’ebé fó sai, liuhosi sítiu Relasaun Públika Ministériu Interior, ne’ebé fó sai iha segunda-feira (270520240 haktuir, Servisu Informasaun Polísia Nasional (SIPN), liu hosi Ekipa Araña junta ho FP (Forsa Polisia), asegura joven mane ida ho naran inisiál AMA alias AL tinan 17, hosi Suai, Munisípiu Covalima, hela iha Suku Manleuana, Postu Administrativu Dom Aleixo, Munisípiu Dili ne’ebé envolve krime jerál ba kazu nauk motor no telefone iha Kapitál Dili.
LH husu kriminaliza ulun boot grupu nauk-ten
Iha prosesu identifikasaun suspeitu AMA deklara, katak nia hamutuk ho Ariki Malinamuk maka nauk motor rua inklui telefone-6. Motor rua ne’e marka Beat Street kor metan. Sira nauk iha area Bebonuk tasi ibun no faan ona iha Maubise. Motor ida tán marka Beat kor kinur metan, naok iha área Comoro Aldeia 4 de Setembru, iha loron 15 fulan-Fevereiru tinan 2024, iha tuku 02:00 madrugada. Enkuantu telefone 6 ne’e faan hotu ona ba sona na’in iha área Merkadu Taibesi ho presu ne’ebé baratu tebes.
Suspeitu AMA mós akresenta katak, motor ne’ebé nia grupu seluk nauk ne’e hamutuk 18, balun trânzitu Dili no Trânzitu Nasionál prende ona tanba komete infrasaun, nune’e sira sei la ba foti motor refere. Durante halo asaun, nia hamutuk ho grupu rua seluk hosi Squad Domin no Mautebe inklui nia maun alin sira husi Grupo RK (Rabat Kesi).
Durante ne’e iha rede nauk ikan no telemóvel iha Dili
Suspeitu mós deklara katak, motor barak mak sei iha nia maluk na’in rua seluk, dadauk ne’e ekipa konjunta buka tuir hela. Sira ne’ebe hetan ona kapturasaun mak hanesan Ogi, Ricky Malinamuk, Rivaldo, Ebi, Manekas, Akon, Asaba no Apeu Xina. Hosi naran hirak ne’e sira komete bebeik ona kazu nauk osan, nauk no hadau telfone iha dalan públiku, ne’ebé rejista ona iha PNTL.
Hafoin identifika, ekipa servisu kontatu kedas ba SIKN (Servisu Investigasaun Kriminál Nasionál) hodi kontinua ba prosesu investigasaun antes submete ba tribunál hodi tuir porsesu julgamentu.
Deskonfia RAEOA oan nauk fiu Eletrisidade faan iha NTT
Antes ne’e, Diretór Ezekutivu Organizasaun Luta Hamutuk José Alves da Costa husu ona ba autoridade seguransa atu kriminaliza ulun boot ne’ebé kria grupu organizadu hodi halo asaun nauk, ne’ebé envolve direta hosi labarik sira, tanba asaun ne’ebé labarik sira halo kontra lei direitu labarik nian, iha konstitituisaun RDTL no konvensaun internasionál kona-ba lei protesaun direitu labarik.
“Ba Sira ne’ebé forma grupu ida ne’e hodi utiliza labarik sira atu halo atividade nauk ne’e tenke kriminaliza, presiza buka to’o abut sira hodi kaer lideransa grupu ne’e hodi responsabiliza ba buat Rua: kria grupu nauk ne’e krime Ida tanba kria ambiente inseguru ba sidadaun sira nia movimentu, no envolve labarik sira liu-liu labarik ho idade 16 mai kraik hodi halo atividade nauk. Ne’ebé tenke buka tuir no kaer otak husi grupu nauk-ten ne’e lais”, Diretór Ezekutivu Luta Hamutuk ne’e esplika.
Fontes : Relasaun Públiku MI
Editór Testu : Amito Qonusere Araújo
loading="lazy" />