Jornalísta : Arménio //
G-RTV.com : Relasiona ho polémika konabá Timor-oan kuaze rihun ida resin ne’ebé oras ne’e hala’o servisu iha Portugál, embaixada Portugál iha Tmor Leste la hatene.
‘’Se mak haruka sira bá Portugál, ami iha ne’e la hatene konabá ida ne’e, sira bá halo saida iha ne’ebá, presija hatene didi’ák assuntu ne’e’’, lia badak husi embaixadora Portugál mai Timor Leste, Maria Manuela bá G-RTV.com iha Palacio Presidente, Ai-tarak Laran, segunda foin lalais ne’e.
Antes ne’e, Prezidente Portugál Marcelo Rebelo de Sousa, bainhira hasoru malu ho Prezidente Repúblika José Ramos-Horta no líder nasionál Xanana Gusmão iha palásiu prezidensiál Timor Leste deklara, sei halais prossesu Timor-oan sira ne’ebé hakarak sai sidadaun portugál hodi tama bá servisu iha europeia.
To’o oras ne’e, Timor-oan sira kontinua bá portugál ho privadu no tuir observasaun, kuaze servisu ona iha area agrikultura no hortikultura iha portugál. Barak mós sei iha hela Bali-Indonézia.
Maibé, ohin, loron 22/06/2022, tuir notísia ne’ebé G-RTV.com assesu husi HATUTAN.Com, Estadu Timor liu husi servisu PCIC kaptura ona pessoál sira ne’ebé fasilita Timor-oan balun bá servisu iha estranjeiru ho razaun tamabá krime tráfiku Umanu.
(REMATA)
loading="lazy" />