G-RTV News (20/04/2021): Ministériu Edukasaun, Juventude no Desportu (MEJD) deside loron 19-24 Fulan ida ne’e, eskola husi nível ensinu báziku no Ensinu Sekundáriu iha territóriu nasionál sei hala’o ezame primeiru períodu ba Tinan ida ne’e.
Hafoin desijaun ne’e to’o iha eskola sira, eskola Paulos VII ne’ebé lokalija iha área Serka Sanitária(SS) Munisípiu Dili, deside la halo ezame primeiru períodu tuir loron ne’ebé MEJD fo sai.
‘’Koalia konabá Ezame primeiru períodu nian ho modu online, bazeia ba esperénsia tinan kotuk, la iha efetividade tamba ne’e formál de’it, nun’e ami sei hein to’o SS remata mak hala’o ezame’’. haktuir Diretór Jerál Pe. Luis Bonaparte Iha nia kna’ar fatin eskola Paulos VI, munisípiu Dili.
Padre Diosezanu ne’e infoma liu tan katak, antes SS realiza, Professór sira hanorin ona matéria hotu ba primeiru períodu nian.
‘’Molok Serka Sanitária, professór sira hanorin hotu ona matéria ba primeiru períodu nian, no pontus ba ezame nian mós hatama ona’’. Informa Padre Diosezanu ne’e.
Eskola ne’ebé harii iha tinan 1979, sei hala’o fila fali ezame ho modu prezensiál husi estudante sira atu nune’e bele iha efetividade no hala’o evaluasaun ho di’ák husi mestre sira.
Tuir dadus husi MEJD relata katak estudante ne’ebé sei partisipa iha ezame primeiru períodu ba tinan 2021 hamutuk ema na’in 73.166.
Jornalista : Arménio.
loading="lazy" />