Jornalista : Arménio //
G-RTV.com (Dili) : Iha ambiénte polítiku ne’ebé Timor Leste hasoru hodi prepara ba festa demokrasia tinan 2022 no 2023 liu husi eleisaun prezidensiál (ELPR) no eleisaun parlamentár (ELPAR), sidadaun sira iha direitu no dever tuir konstituisaun haruka hodi kria movimentu polítika atu partisipa iha festa demokrasia refere.
Ho situasaun ida ne’e lori espoza, atuál Primeiru Ministru, Isabél da Costa Fereira Ruak hahu organiza hodi harii partidu foun ne’ebé ‘’deskonfia’’ sei hanaran Partidu Asaun no Progressu (PAP). Partidu refere, sei prepara ba ELPR no ELPAR ne’ebé sei akontese iha tinan 2022 no 2023.
Tuir fontes kredivel ne’ebé la kohi fo sai nia naran ba G-RTV.com katak, Isabél Fereira Ruak oras ne’e dadaun hahu mobilija forsa intelektuál no massa hodi prepara partidu atu legaliza iha Tribunál Rekursu hodi kompete bá Eleisaun prezidénsial no parlamentar.
Fontes ne’e, konfirma mos katak Isábel Ruak, oras ne’e dadaun prepara atu kandidata-an bá prezidente Repúblika períodu 2022-2027.
To’o notisia ne’e publika, seidauk iha konfirmasaun husi espoza primeiru ministru Dra. Isabél Ruak ba assuntu refere.
Entertantu, Primeiru Ministru Taur Matan Ruak, atualmente sei lidera Partidu Libertasaun Popular (PLP), ne’ebé lori nia ba tur iha Guvernu ho kadeira 8 iha Parlamentu Nasional. (REMATA).
loading="lazy" />