Jornalísta : Amar Belo //
G-RTV. Com (Laleia) :Relasiona ho Kondisaun Estrada diresaun husi Postu Administrativu Laleia Villa bá Suku Cairui ne’ebé hetan estragus iha loron 31 fulan marsu konsege impede Ekipa Sekretariadu Tékniku Administrasaun Eleitoral (STAE) atubele fasilita edukasaun votante nian ba eleitór sira iha Suku Kairui.
Ba kondisaun Estrada refere halo Xefe Suku Cairui, Roberto Ximenes sente preokupa tanba difikulta servisu STAE inklui movimentu transporte publiku lala’o.
“Dalan ida ne’e mak ha’u preokupa lós, tambá komunidade atu assesu bá merkadu susar lós, inklui servisu STAE hodi hala’o edukasaun votante to’o Cairui la iha, ho razaun rai monu taka tomak Estrada kuaze metru 20, desde loron 31 fulan Marsu, nune’e presija urjentemente mai suru’’, Informa Roberto Ximenes iha sede suku Cairui, Sexta ne’e, 08/03/2022.
Ho problema Estrada ne’ebé hetan estragu, hanesan autoridade lokal hato’o ona bá autoridade munisípiu Manatutu maibé to’o agora seidauk bele realiza tanbá laiha orsamentu.
Ho ida ne’e iha eleisaun prezidensiál primeiru volta nian mos la konsege akomula taxa partisipasaun máksimu tanba joven sira husi idade 17 ba leten barak mak la tuir votasaun inklui sira ne’ebe mak iha kartaun eleitorál konfirmadu bá vota, maibé menus iha edukasaun votante nune’e rezulta votu branku ka nulu barak tanba husi STAE la ba fasilita informasaun kona-ba oinsa atu vota.
Entretantu, populasaun iha suku refere, hamutuk ema na’in 2138, mane 1070 no feto 1200 ne’ebé mai husi aldeia hamutuk 7.
(REMATA).
loading="lazy" />