Jornalísta : Amar Belo //
G-RTV.com (Dili) : Kandidatu Prezidente Repúblika 2022-2027, iha elisaun Ronde Daruak, José Manuel Ramos Horta (JRH) to’o iha sentru votasaun iha tuku 06:45 otl hodi ezerse direitu votu no deklara katak Manan elisaun prioridade la’ós dizolve parlamentu maibé restaura órdem konstituisionál.
Tuir nia, sai prezidente eleitu, prioridade la’ós atu dizolve parlamentu maibé restaura órdem konstituisionál liu husi dalan dialogu.
”Atu dizolve ka la’e, eleitu prezidente nia responsabilidade maibé ne’e la’ós hanesan preoridade ida ba ha’u maibé prioridade mak restaura órdem konstituisionál estadu direitu, respeitu bá konstitusaun , prossesu ida ne’e la signifika tenki liu husi dizolusaun parlamentu maibé diálogu ho bankada sira tamba ohin povu ba vota, sei hili ha’u karik rezolve tiha ona problema bo’ot, ne’e ita tenki buka ho diálogu no respeitu ho bankada sira hotu-hotu, primeiru ministru no membru guvernu atu hare saida mak di’ák liu ba rai ida ne’e,” Deklara Jose Ramos Horta ba jornalista sira hafoin ezerse direitu iha Sede Suku Metiaut, Postu Administrativu Cristo Rei, Munisípiu Dili, tersa feira, Ohin, 19/04/2022.
Nia afirma, “Hau sempre no la’ós agora deit maibé tinan 20 nia laran sempre buka apoiu ita nia joven sira oi-oin, dalaruma pessoal ajuda estudante sira no kosok-oan sira, ha’u kontaktu ema parseiru lubuk ida iha liur hanesan embaixada sira, programa espesiais diak ba kosok-oan sira no ba jóvem sira liu-liu ba nutrisaun tamba laiha ida ne’ebé prioridade liu ba nutrisaun no oportunidade bá formasaun tékniku professionál, formasaun sientífiku nomos hare ba adezaun ASEAN ne’ebé mak besik mai.” Tenik Nia
Entertantu, kandidatu ne’e fiar iha konfiasa atu manan elisaun ronde da ruak hodi manan kadidatu Francisco Guterres Lú Olo maibé iha demokrasia labele garante atu manan tamba iha demokrasia dalaruma rezultadu misteriu.
(REMATA).
loading="lazy" />