G-NEWS (Dili) – Atu konsolida valóres Joventude rezisténsia hodi hametin diak-liu tan espíritu patriotísmu no nasionalízmu ba foin sa’e sira hodi bele kontribui ba paz no estabilidade iha Timor-Leste.
Kuarta Feira ne’e (09/11/2022), komisaun organizadora Desluto Saudozu Max Stahl no komemorasaun masakre Santa Cruz 12 de Novembru ba dala XXX1, hala’o Semináriu Nasionál ho tema Ka’er Metin Valóres Juventude Rezisténsia, hamutuk Ita Konstrui Nasaun ho Esperansa Ba Futuru, iha Salaun CNE Lalini Larigutu, Colmera Dili.
Sobrevivente 12 de Novembru Guida Araujo Monteiro Iha semináriu Nasionál hateten, feto nia partisipasaun prinsipal tebes, no feto luta barak no presiza hetan nafatin inspirasaun husi feto sira ne’ebé iha ona esperiensia profesional, atu kontinua luta ho papel polítika hodi liberta povu.
“ita feto nia luta barak to’o agora era globalizasaun presiza nafatin atensaun no inspirasaun husi mana bo’ot sira ne’ebe uluk iha lina oin atu kontinua luta nafatin iha ita nia papel politika ne’ebé mak ohin loron ita hetan ona, hanesan 30% estadu no governu ita komesa ona iha pasu ida ona ba oin maibé ita presiza nafatin luta hodi ba iha setor oin-oin ekonomia, edukasaun, saúde, sosiál, Kultura no seluk-seluk tan, ne’e presisa partisipasaun feto nian, feto nia papel importante tebes sé nasaun ida mak la involve feto, nasaun sei la dezenvolve agora no iha futuru” dehan nia.
Nia ezisi ba Governu atu fó oportunidade ba feto sira hodi kapasita ninia kapsidade iha área oin-oin tuir abilidade idak-idak nian. Feto mós iha papel importante no sai responsablidade iha rai ne’e, no labele sai hanesan inan de’it hodi servi família, tanba pensamentu ida ne’e la vale ona iha tempu agora,. Feto uluk organiza hodi partisipa asaun pasífika sira barak iha tempu okupasaun Indonézia, hanesan 12 de Novembru, tanba ne’e inspirasaun hodi involve iha papel polítika, luta ba libertasaun ba povu tanba hakarak hakmatek, no hakarak mós oportunidade hanesan ho mane sira.
Nia husu ba estudante joven feto sira, atu aproveita oportunidad ho di’ak no hakaas-an ho badinas, no vontade tanba la iha dalan ida mak atu taka ba feto. Feto sira ne’ebé la asesu ba informasaun bele fahe tutan, nune’e sira mós bele partisipa polítika ho brani hodi luta ba familia, sosiedade, no nasaun.
Partispa ba Seminariu Nasional ne’e mai husi estudantes universitariu sira, Secretário estadu Joventude no desportu, xefe Estadu Maiór jenerál Falintil –FDTL no Prezidente komite 12 de Novembru.
Jornalista : Teotónio Alves Pinto
Editór : Amito Qonusere Araújo
loading="lazy" />