G-RTV News (02/06/2021): Oras ne’e dadaun, movimentasaun polítika la’o namanas hela iha rai-laran konabá preparasaun eleisaun Prezidente Repúblika Iha Tinan oin liu-liu pessoál sidadaun sira ne’ebé sei kompete ba kargu sai ema númeru ida iha Timor Leste.
Relasiona ho ida ne’e, Sekretáriu Jerál Partidu Frente Revolusionário Timor Leste Independente(FRETILIN), Mari Alkatari hateten katak Partidu FRETILIN La iha Kandidatura atu kompete ba eleisaun Prezidente Repúblika (PR) 2022-2027, Timor Leste la iha Prezidente.
‘’Bainhira Kandidatu Fretilin la iha, ita sei la iha Prezidente’’ haktuir Mari Alkatri hafoin partisipa iha diskusaun ho ekipa Expo Dubai iha sede nasionál Autoriedade Nasionál Expo Dubai Timor Leste, Munisípiu Dili. (02/06/2021).
Eis-Primeiru Ministru ne’e afirma moos katak nia sei la ba kandidata-an atu sai prezidente tamba hakarak sai ema formatadu atu haree rezultadu servisu ni’an.
‘’Fígura ida ne’ebé nunka ba kandidatu Prezidente mak ha’u, tamba ha’u moris formatadu atu hare rezultadu servisu loron-loron ni’an, maibé depende ba desijaun partidu’’. Fontes ne’e fortifika.
Entertantu, tuir informasaun ne’ebé G-RTV.Com assesu katak Líder nasionál Ramos Horta no Pe. Martinho Gusmão iha possibilidade atu kandidata-an hodi hada’u kadeira Prezidente ni’an ba períodu 2022-2027 liu husi eleisaun Prezidensiál ne’ebé sei akontese iha tinan 2022.
Jornalista : Arménio.
loading="lazy" />