G-RTV.com (DILI): Iha tempu kampaña eleisaun jerál tinan 2017 no 2018, partidu KHUNTO iha nia matéria kampaña promete moos katak tama iha guvernu, sei lori membru sira ne’ebé sei serví povu liu husi ezekutivu (Guvernu), obrigatóriamente tenke ba halo juramentu iha ramelau atu hases membru sira husi dalan nakukun ne’ebé bele haterus povu.
‘’Fulan oin, ha’u sei lori membru ezekutivu husi partidu KHUNTO ba ramelau atu halo juramentu tuir saida mak promete ona ba públiku’’. Haktuir líder supremu Partidu KHUNTO, José Dos Santos ‘’Naimori Bucar’’ bainhira hala’o diskursu offisiál iha serimónia inagurasaun sede nasionál Partidu KHUNTO, dominggo ne’e.
Tuir Vise-Prezidente Partidu KHUNTO, Nicolau Belo, prontu atu halo tuir desijaun saida mak partidu foo.
‘’Ha’u prontu, tambá sá la bele prontu, tambá juramentu ne’e hanesan ukun no bandu ida, ho razaun ukun ne’e hanesan servidór no bandu ne’e atu fahe buat ne’ebé povu nian, fo ba povu, buat ne’ebé ema ida nian, fo bá nia’’. Haktuir atuál Vise-ministru Obras Públika.
Tuir planu, loron 14, Fulan Augustu, tinan ne’e sei lori membru guvernu husi partidu KHUNTO ba hala’o juramentu iha Foho ás liu iha Timor Leste, Ramelau.
Jornalista : Arménio.
loading="lazy" />