G-RTV.Com (Aileu): Guvernu Timor Leste liu husi aprezentasaun Ministériu Finansas iha enkontru konsellu Ministru, kuarta ne’e, aprova projetu lei ba kriasaun sorteiu’’Lotaria Vasina kontra Covid-19’’ ho nia objetivu atu foo prémiu ho montante USD. 100, ba sidadaun sira ne’ebé hetan ona vasina iha kada suku entre ema na’in 50 to’o 150.
‘’Sorteiu ne’e hanesan motivasaun ida ba sidadaun sira, no iha suku ida, sei iha sorteiu kada fulan, depende ba kuantidade ne’ebé suku ne’e simu vasina’’ klarifika Ministériu Assuntu Parlamentár no Komunikasaun Sosiál (MAPKomS), Franscisco Jerónimo hafoin lansamentu Vasina faze da-ruak iha Munisípiu Aileu (24/06).
Guvernante ne’e, esplika nia objetividade ba programa refere, atu hakma’an sofrimentu povu nian ba polítika prevensaun no mitigasaun ne’ebé durante Estadu Timor Leste halo.
‘’Programa ne’e introdúz ho nia objetivu atu hakma’an komunidade sira ne’ebé durante ne’e, sofre ba polítika prevensaun moras Covid-19 ne’ebé aplika liuhusi serka sanitaria, limitasaun ba movimentasaun no limitasaun atividade ekonomia’’. Esplika Guvernante ne’e.
Aprezentasaun projetu Lei ne’e esplika katak, ba sidadaun sira ne’ebé simu vasina, mak sei merese atu partisipa iha sorteiu lotaria refere kada fulan iha suku, maibé atribuisaun ne’e depende ba volume sidadaun sira ne’ebé simu vasina iha suku ida no programa ne’e sei hahu iha fulan Jullu Tinan ne’e.
Jornalista : Arménio.
loading="lazy" />