Jornalísta : Arménio //
G-RTV.com (Dili) : Loron Votasaun ba eleisaun prezidensiál períodu 2022-2027 ne’ebé hala’o iha loron ohin, kandidatu prezidente repúblika (PR), José Ramos-Horta, Vota ona iha sentru votasaun Sede suku Metiaut.
Kandidatu PR númeru sorteiu 14, dader ne’e, to’o iha fatin sentru votasaun ho nia kareta mini ne’ebé nia rasik kondúz, hafoin tama ba fatin votasaun.
Tuir entrevista ne’ebé G-RTV.com assesu, Horta afirma, prontu simu desijaun ne’ebé mai husi povu Timor Leste.
‘’Ita hein rezultadu, orsida to’o aban ita sei hare, husi rezultadu ne’ebé mak mai, ha’u hakruk, maske dalaruma la favorese ba ha’u, maibé ne’e mak desiajun povu’’, Dehan Horta, hafoin votasaun iha loron 19/03/2022.
Tuir observasaun, iha fatin sentru votasaun ne’ebé eis-PR ne’e vota bá, sei inklui mós Primeiru Ministru Taur Matan Ruak ne’ebé tuir planu sei ezerse nia direitu votu iha fatin ne’ebé hanesan.
Entretantu, tinan ne’e konkorrente hodi hadau kadeira PR ba períodu 2022-2027, totál hamutuk 16 ne’ebé inklui mós feto na’in 4, ne’ebé sei hili husi Timor-oan ne’ebé iha ona direitu atu ezerse nia votu. (REMATA).
loading="lazy" />