G-RTV.com (DILI): Partidu Kmanek Haburas Unidade Nasionál Timor Oan (KHUNTO) deklara offisialmente nia kandidatura atu kompete iha eleisaun Prezidente Repúblika períodu 2022-2027 iha salaun ESPERANSA (Dili), 20/03/2022.
Partidu KHUNTO lori nia prezidente partidu, Armanda Berta Dos Santos hodi kompete iha festa demokrasia ida ne’e, no nia deklara bá publiku, sei sai prezidente ida ne’ebé nakonu ho esperansa atu tau matan ba nia povu.
‘’Karik Povu Timor Leste fo fiar mai ha’u atu sai hanesan imi nia prezidente ne’ebe nakonu ho esperansa, sei tau matan ba povu tuir ita nia konstituisaun haruka no kompremete katak sei tau fiar ba prinsipiu demokrasia, hametin paz no estabilidade atu dezenvolvimentu la’o ba oin hodi hamatein relasaun ho nasaun sira seluk’’. Tenik atuál Vise-Primeira Ministra ne’e.
Kandidata ne’e afirma moos, presija hatur diák kompeténsia orgaun estadu nian no iha guvernu ida ne’ebé estável atu bele halo dezenvolvimentu iha Timor Leste.
Nune’e, atu bá palásiu Prezidente, Fen kaben husi líder supremu partidu KHUNTO, José Dos Santos ‘’BUCAR’’ sei pozisiona nia án hanesan prezidente ba povu tomak no kompremetidu atu husik partidu KHUNTO bainhira eleitu iha eleisaun prezidensial ne’ebé sei hala’o iha loron 19/03/2022.
Tuir líder supremu nu’udár na’in fundadór Partidu KHUNTO, promete sei lori estrutura nasionál to’o atu apoiu totalmente ba kandidata prezidente Armanda Berta Dos Santos iha eleisaun ida ne’e.
Antes ne’e, iha festa ingurasaun sede nasionál partidu KHUNTO iha tinan 2021, Armanda Berta afirma nia pozisaun atu hatan ‘’sim’’ ba konfinsa husi partidu KHUNTO hodi lori nia ba kandidatu Prezidente Repúblika períodu 2022-2027.
Jornalista : Arménio.
Editór : Ekipa G-RTV.com
loading="lazy" />