Iha Balibo,  Sidadaun La’o-Ain Kuaze KM 7 Atu Bá Ezerse Nia Direitu Votu

Jornalísta : Arménio //

G-RTV.com (Bobonaro) : Loron votasaun eleisaun prezidensiál períodu 2022-2027, ne’ebé hala’o ohin, lori sidadaun iha aldeia ….., Suku Leo-Hito, Postu Administrativu Balibo, Munisípiu Bobonaro, la’o ain kuaze Kílometru (KM) 7 bá sentru votasaun.

Tuir Xefe Aldeia Falo Ai, Mariano Barreto, hateten, komunidade ne’ebé nia ukun, la’o kuaze kilómetru (KM) 7 atu ezerse nia direitu nu’udár votante atu hili prezidente repúblika foun iha sentru votasaun eskola Báziku Leo-Hito.

‘’Ha’u nia komunidade la’o ain kuaze kilómetru 7 inklui tama ona terseira idade, hahu la’o tuku 6 dadér mai sentru votasaun’’, dehan Xefe Aldeia Falo Ai iha sentru votasaun eskola EBC, Leo-Hito, 19/03/2022.

Populasaun iha aldeia refere, hamutuk ema 300 resin nu’udár aldeia ne’ebé nia populasaun menus liu iha suku Leo-Hitu

‘’Iha aldeia uma-kain 92  ho ema hamutuk 300 resin, konsidera aldeia ne’ebé nia populasaun menus liu iha suku Leo-Hitu’’, Nia hatutan.

Fontes ne’e konsidera mós katak, aldeia….nu’udár aldeia ne’ebé izoladu tebes iha suku Leo-Hitu, Postu Administrativu Balibo.

‘’Ha’u nia aldeia nu’udár aldeia ne’ebé izoladu tebes, tambá eletrisidade de’it seidauk kobre hotu komunidade, ba de’it eskola’’, Mariano esklarese.

Konabá rezultadu eleisaun, líder aldeia ne’e fiar katak kandidatu se de’it mak atu manan, importante mak lori Timor ba oin. (REMATA).