G-RTV NEWS ( 02/04/2021) – Dadér nia mahowen, iha óras 06:00 dader ÓTL, feto ida ho Inisiál ‘’FF’’ ho idade 35 tara-an iha nia kuartu laran. Akontesimentu ne’e, iha lagoa um (1) Tasi-tolu Postu Aministrativu D. Aleixo, Munisípiu Dili ( 02/04/2021).
Tuir sasin Carmelinda Manuel Soares haktuir ba jornalista sira iha Sexta-Feira (02/04) iha fatin akontesementu hateten katak, dadersan nia tun ba matebian nia uma atu bolu ba matabixu maibé derepente nia haré matebian tara-an ona iha kuartu laran iha odamatan kotuk ho fiu modok ida:
“ Hanesan babain ami sempre bolu malu ba matabixu hamutuk maibé ohin ha’u tun ba atu bolu tan mak derepenti nia tara-an ona iha nia kuartu laran, odamatan kotuk” haktuir Sasin.
Nia informa mos katak durante nee matebian ho viziñu sira laiha problema ida maibé derepente de’it matebian tara-an ona.
”Ami loron-loron hare malu di’ak de’it no laiha problema hodi hasoru nia maibe motivu saida mak nia taraan ami mós lahatene”.
Iha fatin hanesan, família matebian Florentina Soares Maia esklarese liutan ho lian-triste :
‘’ Matebian ne’e, iha tinan 2016 sira hamutuk hela no nia iha Laen maibé nia problema ho Laen entaun nia Laen halai tiha ba nia fen bo’ot iha Ermera durante tinan rua ona, no nia koalia ba matebian katak itrua labele hamutuk ho razaun katak nia mós faluk durante tinan rua tamba katuas oan mos mate, tamba ha’u mós atu ba hela hamutuk ho ha’u nia-oan, matebian mesak mak iha Uma ne’e ”.
Tuir dadus ne’ebé G-RTV.COM assesu husi ekipa Saúde katak matebian ne’e tara-an ho kondisaun hamlaha no parte polísia forensic entrega ona ba família sira atu halo’ot tuir tradisaun.
Parte Forensik relata mós katak la iha ema ida mak estraga matebian, maibé matebian rasik mak halo duni asaun refere, nune’e ekipa forensik deside fo fila-fali mate-isin ba nia família.
Matebian ne’e, husi Munisípiu Ermera, Postu Administrativu Railaku, Suku Tokoluli, no nia husik nia oan hamutuk nain ha’at, feto ida (1) no mane na’in tolu (3).
Oan-Na’in ha’at ne’ebé Inan Faluk ne’e husik, la hela hamutuk ho nia iha uma ne’ebé matebian tara-án bá.
Tuir observasaun G-RTV.COM iha terrenu nota katak, uma ne’ebé matebian hela bá, matebian mesak no bainhira ekipa G-RTV haré direta iha nia Uma-laran la iha hahan ruma ne’ebé iha atu satan nia husi hamlaha.
Orás ne’e dadaun, mate-isin iha hela rezidénsia matebian nian iha fatin akontesimentu.
Jornalista : Amar Belo
Editór : Arménio.
loading="lazy" />