G-RTV NEWS : Bazeia ba konferénsia imprensa ne’ebé G-RTV assesu liu husi aplikasaun Zoom husi SS-SIJK konabá kazu foun COVID-19 iha Timor Leste rezulta pozetivu hamutuk Na’in 23.
‘’ Ohin ita deteta kazu foun hamutuk 23, rekoperadu na’in 4, nune’e kazu ativu iha ijolamentu hamutuk ema 138, husi kazu foun ne’ebé ohin deteta Mane iha na’in 8 no feto na’in 15’’ hateten Dr. Rui Maria de Araujo iha sala konferésia SS-SIJK, CCD, Munisípiu Dili ( 19/03/2020).
Koordenadór Forsa Tarefa ba Prevensaun no Mitigasaun Surtu COVID-19 iha Timor Leste husi SS-SIJK ne’e, aprejenta liu tan katak ‘’ Husi Horseik (18/03) mai to’o ohin loron ita halo teste laboratoriál hamutuk ema Na’in 543, no husi kazu foun ohin nian, Na’in 22 husi Munisípiu Dili’’ haktenik Nia.
Kazu pozetivu COVID-19 iha Munisípiu Dili, Eis-Ministru Saúde ne’e afirma katak, hahu loron 7 Fulan Marsu Tinan 2021 to’o ohin ( 19/03), kazu hamutuk 117 iha Munisípiu Dili.
Fontes ne’e fo sai mós katak ‘’ Iha Munisípiu Baucau, ohin deteta kazu pozetivu ida, husi Aldeia Lamegua, Suku Bahu, Postu-Administrativu Baucau Villa’’ Rui Haktuir.
Bainhira hatan ba Média nia preokupasaun konabá númeru Kazu pozetivu sa’e maka’as iha semana ida ikus ne’e, Eis Primeiru Ministru deklara katak SS-SIJK sempre prontu servisu intensivamente hamutuk ho pilares relevantes sira ba prevensaun ni’an.
Jornalista : Elias Dias.
Editór : Arménio.
loading="lazy" />