G-RTV News (05/06/2021) : Relasiona ho kazu ne’ebé akontese ohin (05/06) óras tuku 02:00 madrugada konabá oknum PNTL ida ne’ebé asalta no tiru sidadaun mane na’in tolu nu’udár família ida iha Suku Lahane (DILI) Aldeia Ainitas-Hun, hodi rezulta na’in ida hanesan Aman, lia-na’in no veteranu mate fatin, ida seluk mate iha Óspitál, no ida sei iha hela tratamentu intensivu iha HNGV.
Ho ida ne’e, Inocénsio Xavier hanesan offisiál programa Iha Organizasaun Naun-Guvermental ASIA JUSTICE AND RIGHTS (AJAR), espressa katak Aktu ida ne’e aktu violasaun direitus Umanus nian, tamba konstituisaun RDTL garante konabá direitu Sidadaun nia’n.
‘’Aktu ida ne’e violasaun direitus umanus, tamba Polísia nu’udár protetór ba direitus Umanus katak polísia hala’o nia servisu hotu-hotu ba prinsípiu direitus Umanus, hanesan Konstituisaun RDTL haktuir iha artigu 21 konabá direitu ba moris’’. espressa Inocénsio Iha sede nasionál Organizasaun Sagrada Família Fatuhada, munisípiu Dili, Sabadu ohin.
Fontes ne’e moos reforsa moos, situasaun agora la nessesáriu atu ajente ssira lori kilat ba uma, tamba esperénsia hatudu ona hanesan iha kazu kuluhun.
‘’Atu fó hanoin moos ba Komadante Jerál (KOMJER) Polísia nasionál Timor Leste (PNTL) uluk akontese iha kuluhun, bandu ona atu ajente sira fila ba uma lori armas, maibé tamba sá mak iha situasaun agora, armas hirak ne’e lori fali ba uma, agora situasaun normáql, iha de’it mak pandemia Covid-19.’’ Haktuir nian.
AJAR moos kondena maka’as aktu refere, nune’e presija imediatu atu reforma PNTL liu-liu konsidera katak jestaun lideransa PNTL gagal.
‘’AJAR konadena maka’as aktu ida ne’e, tamba kazu ne’e hatudu katak jestaun husi lideransa PNTL falha nune’e imadiatamente atu halo reforma ba PNTL’’. Dehan Nia.
Offisiál programa iha AJAR ne’e fó hanoin moos ba lideransa instituisaun atu iha desijaun no estatutu rigurrozu ba membru sira nia aktu ne’ebé la merese atu halo.
Jornalista : Arménio.
loading="lazy" />