G-NEWS (DILI) – Konsellu Imprensa Timor Leste, Tersa-Feira (25042023) sosializa lei komunikasaun sosiál ba estudante departamentu komunikasaun sosiál UNITAL.
Konselleiru Konsellu imprensa Amito Araújo, iha abertura atividase ne’e hateten, sosializasaun lei komunikasaun sosiál ne’e importante tebes, nune’e estudante sira bele konhese servisu jurnalistika.
Konselleiru ne’e afirma tán, papel mídia importante tebes atu kontribui informasaun ba públiku, liu-liu atividade kampanha eleitóral iha tinan ne’e.
“Tinan ida ne’e nu’udar tinan polítika, papel mídia importante tebes. Mídia sei fó direitu antena hanesan ba partidu sira. La haree ba partidu ne’ebé hetan asentu parlamentár ka partidu ne’ebé la iha, maibé tratamentu hanesan deit”, tenik Nia.
Iha fatin hanesan, Dekanu Fakuldade Siênsia Sosiais no Polítika Dominggos Loe Soares agradese ba Konsellu Imprensa ne’ebé hala’o sosializasaun ba lei komunikasaun sosiál, nune’e bele aumenta konhesimentu estudante akadémiku sira nian.
Iha sosializasaun ne’e, Konsellu Imprensa esplika liu kona-ba lei komunikasaun sosiál, kóde étika Jornalismu, kna’ar no kompeténsia mídia, no atividade jurnalistika seluk-tan.
Alende ne’e, Konsellu Imprensa mós esplika kona-ba direitu resposta ka Retifikasaun.
Jornalista : Ekipa G-News
Editór Testu : Amito Qonusere Araújo
loading="lazy" />