G-RTV.Com (Dili) : Estados Unidos Amérika (EUA) liu husi ajénsia Estadus Unidos bá Dezemvolvemetu Internasionál (USAID) fó apoiu subsidiu millaun $ 1,5 bá guvernu hodi hatan bá kombate COVID-19 iha Timor Leste .
Tuir enkarregada negósiu estranjeiru Estadus Unidus Amérika, hateten estadus unidos iha prazer atu estende apoiu finanséiru adisionál bá fundu COVID 19 iha Timor Leste.
“Estadus Unidos iha prazer atu estende apoiu adisional COVID-19 hodi ajuda Timor –Leste atu funu hasoru pandemia Covid-19 no prepara ba ameansa seguransa saúde globál iha futuru’’. dehan enkarregadu negósiu estranjeiru Estadus Unidus Amérika Tom Daley iha salaun Ministériu Saúde, Caicoli Dili, Kinta-feira(09/12).
Hafoin ida ne’e, tuir komunikadu ne’ebé G-RTV,com assesu, orsamentu ne’ebé EUA apoiu, sei ajuda moos fornese ekipamentu protesaun pessoál bá sentru saúde komunitaria 71 no autoridade saude munisipál 12 inklui RAEOA.
‘’ Objetivu husi ajuda fornese ekipamentu bá sentru saúde no óspitál munisipál atu reabastese suprimentu sira , proteje professionál saúde sira , reduz transmisaun , no kontribui ba prestasaun kontinua ba kualidade maternal infantíl no kuidadu saúde infantil sira’’, tuir komunikadu ne’ebé G-RTV assesu.
komunikadu ne’e fortifika moos, Fundu sira ne’e sei uza atu fornese oxijéniu konsentrador bá fasilidade izolamentu sira iha Dili, Óspital Nasionál Guido Valadares, no Ospital rejionál sira ba terapia oxijenio kritiku ba kaju grave COVID-19.
Iha tempu hanesan diretóra jerál prestasaun servisu saúde-MS, Dra. Maria Viegas hateten kontribusaun husi Governo Estadus Unidus Amérika mai los durante tempu krítiku hodi hatan ba covid-19.
“kontribusaun husi Governu Amérika mai los durante tempu kritiku hodi hatan ba covid-19 wainhira ita prepara ba posibilidade futuru surtu pandemia iha Timor-Leste, iha servisu esensiál no suprimentu sira sei kontinua nessesariu hodi halo tratamentu ba kazu infesaun grave sira hosi infesaun COVID-19 no salva moris, no ita mos espande hela kampanha vasinasaun ba labarik sira tinan 12 to’o menus husi tinan 18,”. Haktuir Odete bainhira remata serimónia entrega apoiu husi povu Amérika bá Timor Leste (TL).
Fundus ne’ebé hetan, diretora ne’e esplika liu tan katak sei utilija atu kotribui bá hamenus inpaktu COVID-19 iha Timor Leste inklui programa Vasinasaun,
“Orsamentu ne’e sei promove asaun sira ne’ebé sei kontribui ba hamenus impaktu hosi COVID-19 liu hosi prevensaun ,tratamentu no vasinasaun ba populasaun ilejivel sira iha Timor-Lests.” Dehan doutora Maria Viegas .
Entretantu, apoiu finansiamentu ne’e, sei kontribui hodi hatan ba covid19 ne’ebé sei liu husi UNICEF , hodi konsentra ba melloria assésu sira ba servisu saúde ,inklui servisu esensiál sira bá nutrisaun imunizasaun rutina no kuidadu saúde ba inan no oan sira ,melloria assésu ba ensinu distánsia no eskola segura sira protesaun labarik no protesaun sosiál.
Jornalista Estagiaria : Dircia crisanta / melania moniz
Editór : Ekipa G-RTV.com
loading="lazy" />